स्वतंत्र बातमी

नागपूर ते मुंबई हा प्रवास अवघ्या आठ तासांत पूर्ण करण्यासाठी एमएसआरडीसीने ७०१ किलोमीटरचा समृद्धी महामार्ग उभारला आहे. या महामार्गाच्या उभारणीनंतर लगतच्या परिसरात औद्योगिक व व्यावसायिक विकासाला चालना देण्यासाठी सुरुवातीला २४ नवनगरे उभारण्याचा विचार पुढे आला होता. प्रशासकीय फेरविचारानंतर नवनगरांऐवजी १८ विकास केंद्रे (ग्रोथ सेंटर) उभारण्याचा निर्णय झाला. राज्य शासनाने या २९२ गावांच्या नियंत्रणासाठी एमएसआरडीसीची विशेष नियोजन प्राधिकरण म्हणून अधिकृत नियुक्ती केली. अनियंत्रित बांधकामे रोखणे आणि नियोजित विकास साधणे हा यामागील मुख्य हेतू आहे.