सर्वसाधारण सेवा करारनामा

(यात पदानुसार वेळा व इतर संदर्भांचा बदल असू शकतो)

कालावधी दिनांक (तारीख) – (महिना) – (साल) ते (तारीख) – (महिना) – (साल)

हा सेवा पुरवठा करार दिनांक (तारीख) – (महिना) – (साल)

रोजी

सह्याद्री मराठी,

२०८, साई सदन, ७६/७८, मोदी स्ट्रीट,

मॉडर्न हॉटेलसमोर, फोर्ट, मुंबई – ४००००१.

ई-मेल : sahyadrimarathi@gmail.com | दूरध्वनी क्रमांक : 022 4962 0900 | वॉट्सअप क्रमांक : +91 77750 55900

(सेवा स्विकारणार)

आणि

सेवा पुरवठादाराचे नांव, पत्ता, ई-मेल आणि संपर्क क्रमांक

(सेवा पुरवठादार)

यांच्यात परस्पर सहमतीने केला जात आहे.

सेवा कराराचे नियम व अटी

हा दस्तऐवज व अटी, शर्ती व नियम ‘सेवा करार’ म्हणून मान्य असतील. सेवा पुरवठादारांनी या दस्तऐवजाच्या शेवटी दिलेल्या जागी स्वाक्षरी करून संस्थेच्या अटी, शर्ती व नियम पाळण्याची खात्री द्यावी.

सेवा प्रारंभ (वार) , दिनांक (तारीख) – (महिना) – (साल) | सेवा समाप्ती (वार) , दिनांक (तारीख) – (महिना) – (साल)

कार्यस्थळ:

वरील पत्त्यावरील संस्थेचे कार्यालय, मुंबई / किंवा घरुन काम, यापैकी जे ठरले आहे ते / संस्थेच्या आवश्यकतेनुसार बदली शक्य. आवश्यकता भासल्यास परदेश प्रवासही आवश्यक.

पदनाम व जबाबदाऱ्या

पद: सहकारी ग्राफिक डिझायनर.
मुख्य जबाबदाऱ्या: संलग्न जोडपत्रकानुसार.

सेवा स्थिती

पूर्ण वेळ सेवा पुरवठादार (Full-time)

परिविक्षाधीन कालावधी (Probation) कालावधी:

(वार) , दिनांक (तारीख) – (महिना) – (साल) ते (वार) , दिनांक (तारीख) – (महिना) – (साल) (साधारण ६ महिने)

पुनरावलोकन:

मानव संसाधन विभाग कामगिरीचे पुनरावलोकन करून ठरवेल की सेवा कायम ठेवायची की नाही. समाधानकारक कामगिरी असेल तर कायम नियुक्तीपत्र दिले जाईल. प्रशिक्षण काळात सवलतीच्या रजा मिळणार नाहीत.

कार्यालयीन वेळ व साप्ताहिक सुट्टी:

• सोमवार ते शनिवार: सकाळी ९ ते सायंकाळी ६
• हजेरी वेळ: सकाळी ८:४५ व सायंकाळी ६:१५
• दुपारचे जेवण: १:३० ते २:०० (३० मिनिटे)
• चहा वेळ: १०:१५ ते १०:३० व ४:०० ते ४:१५ (१५ मिनिटे)
• जादा वेळ आणि काम (ओव्हरटाईम): लागू नाही

• साप्ताहिक सुट्टी: रविवार

मानधन व लाभ:

• मानधन देय तारीख: प्रत्येक महिन्याच्या १० तारखेला.
• अगाऊ उचल: दिली जात नाही.
• वाढ व लाभांश: किमान 95% उपस्थिती अनिवार्य.
• संस्थेच्या धोरणानुसार व सेवा पुरवठादाराच्या कामगिरीवर आधारित.

रजा व इतर सुट्ट्या:

• संस्थेत एक वर्ष पूर्ण होईपर्यंत पगारी रजा नाहीत.
• साधी बिनपगारी रजा: किमान दहा दिवस आधी लेखी किंवा ई-मेल द्वारे विनंती करणे आवश्यक.
• ती सात दिवस आधी मंजूर करुन घेणे गरजेचे.
• मंजुरीशिवाय रजा घेतल्यास १ दिवसाच्या बदल्यात २ दिवसांचे मानधन कपात.
• मानव संसाधन विभागाने पोर्टलवर जाहिर केलेल्या यादीनुसार पालन आवश्यक.
• आजारी रजा: सकाळी नऊ वाजण्यापूर्वी hr.sahyadrimarathi@gmail.com या ई-मेलवर, व्यवस्थापक, विभागप्रमुख व मा. मुख्य संपादक यांना कळविणे आवश्यक.
• तीन दिवसांपेक्षा अधिक असल्यास डॉक्टरचे प्रमाणपत्र, औषधांची चिठ्ठी व औषधांच्या देयकांची प्रत आवश्यक.
• सेवापुरवठादाराची मंजूरी शिवाय सात दिवसांपेक्षा अधिक सुट्टी असल्यास सेवा पुरवठा बंद केला असे मानून कराराच्या अटी शर्तींनुसार पुढील कारवाई करण्यात येईल.

इतर रजा:

• दया रजा (Compassionate leave): व्यवस्थापनाच्या निर्णयावर अवलंबून.
• गर्भावस्था / पितृत्व रजा:
  • स्त्रिया: एकूण ६ महिने (३ महिने आधी + ३ महिने नंतर), वेतनविरहित
  • पुरुष: व्यवस्थापनाच्या निर्णयानुसार

गोपनीयता करार (NDA – नॉन-डिस्क्लोजर):

• संस्थेच्या संवेदनशील माहितीचे संरक्षण आवश्यक.
• गोपनीय माहिती उघड केल्यास कायदेशीर कारवाईस पात्र.

बौद्धिक संपदा हक्क:

• सेवा पुरवठादाराने तयार केलेले सर्व दस्तऐवज, संकल्पना, रचना, संकेतांक यांचे हक्क संस्थेचे राहतील.

स्पर्धाविरोधी आणि ग्राहक पळविणे टाळणे:

• स्पर्धा प्रतिबंध: 2 वर्षांपर्यंत स्पर्धक संस्थांमध्ये नोकरी व स्वत:चा व्यवसाय करता येणार नाही. इतर व्यवसायात भागीदार किंवा तत्सम सहभाग घेता येणार नाही. (निर्धारित वेळेची पूर्वसूचना न देता नोकरी किंवा सेवा पुरवठा बंद केल्यास ही अट लागू होते).
• ग्राहक पळविणे: ग्राहक, कर्मचारी यांना आपल्या सोबत नेल्यास कायदेशीर कारवाई व दंड.

तक्रार निवारण:

• सेवा पुरवठादारांच्या योग्य तक्रारी प्राधान्याने आणि तातडीने सोडवल्या जातील.

सेवा समाप्ती अटी:

• नियमांचे उल्लंघन झाल्यास तात्काळ सेवा समाप्ती किंवा निलंबन.
• शिस्तभंग प्रक्रियेत –
  1. तोंडी इशारा
  2. लेखी इशारा
  3. अंतिम लेखी इशारा
  4. सेवांत
• कामाची गरज पूर्ण झाल्यावर पूर्वसूचना न देता संस्थेकडून सेवा समाप्त करता येईल.

आचारसंहिता:

• वेशभूषा: स्वच्छ, औपचारिक पोशाख आवश्यक.
• व्हॉट्सअ‍ॅप सेटिंग: Read receipts ON, Last seen enabled, Online enabled.
• फोन वापर:
  • कार्यालयीन वेळेत वैयक्तिक दूरध्वनी वापरास बंदी.
  • चहा व जेवणाच्या सुट्टीत वैयक्तिक भ्रमणध्वनी वापरास परवानगी.
  • आपत्कालीन स्थितीत जवळच्या नातेवाईकांना कार्यालयात संपर्क साधण्यासाठी परवानगी.
  • नियम तोडल्यास अर्थिक दंड, लाभांशापासून, पगारवाढ व इतर सुविधांपासून वंचित.

सोशल मीडिया व ईमेल:

• कार्यालयीन यंत्रणेवर वैयक्तिक समाज माध्यमे व ई-मेल वापरास मनाई.
• फक्त अधिकृत ईमेलद्वारेच कार्यालयीन व्यवहार.
• पासवर्ड बदलणे, नवीन सॉफ्टवेअर, ॲप डाऊनलोड करण्यास मनाई.
• उल्लंघनास दंड व शिस्तभंग कारवाई.

राजीनामा सूचना कालावधी: अगाऊ सुचना महिन्याच्या एक तारखेपासून.

• कंत्राटी, करारावर किंवा कायम: २ महिने.
• वरिष्ठ पदासाठी: 3 महिने.
• या अटी न पाळल्यास ३ महिन्यांचे वेतन / मानधन किंवा ₹३ लाख रुपये यापैकी जी रक्कम अधिक असेल तो दंड.
• कोणत्याही पूर्वसुचनेशिवाय सुचना कालावधी कमी अथवा जास्त करण्याचे सर्व अधिकार संस्थेकडे राखीव.

स्वार्थसंबंध टाळणे:

• नियम मोडल्यास कायदेशीर कारवाई होईल.

विवाद निवारण:

• मुंबई महानगर दंडाधिकारी (फोर्ट) न्यायालय अधिकार क्षेत्रांतर्गत
• मध्यस्थी व लवादाद्वारे निवारण

माहिती गोपनीयता:

• कायदेशीर मागणीशिवाय वैयक्तिक माहिती उघड केली जाणार नाही.

करारात बदल:

• सर्व बदल लेखी असले पाहिजेत व दोन्ही पक्षांनी स्वाक्षरी केलेली असावी.

पूर्ण करार:

• हा करार मागील सर्व चर्चा व कागदपत्रांपेक्षा श्रेष्ठ आहे.

या करारातील सर्व नियम, अटी व शर्ती मी मान्य करतो आणि माझ्या सेवाकालात त्यांचे संपूर्ण पालन करेन.

सेवा पुरवठादार स्वाक्षरी: ___________________                       संस्थेतर्फे स्वाक्षरी: _____________________

सेवा पुरवठादाराचे नांव: ____________________                      नांव व पदनाम: _______________________

साक्षीदाराचे नांव: ________________________                    साक्षीदाराची स्वाक्षरी: ___________________