ध्वज योग म्हणजे काय?

वैदिक ज्योतिषशास्त्रात जेव्हा देवगुरू बृहस्पती (गुरू) आणि मोक्षकारक केतू एकाच राशीत एकत्र येतात, तेव्हा ‘ध्वज योग’ निर्माण होतो. सिंह राशीमध्ये हा योग तयार झाला आहे. सिंह रास ही सूर्यदेवाची रास असून ती अधिकार आणि नेतृत्वाचे प्रतीक मानली जाते. गुरू हा ज्ञान, धर्म आणि बुद्धीचा कारक आहे, तर केतू हा अनासक्ती आणि अध्यात्माचे प्रतिनिधित्व करतो. या दोन विरुद्ध प्रवृत्तीच्या ग्रहांची युती जेव्हा सिंह राशीत होते, तेव्हा व्यक्तीला समाजात मान-सन्मान, कीर्ती आणि उच्च पद प्राप्त होते. ‘ध्वज’ म्हणजे ध्वजा किंवा निशाण, जे विजयाचे आणि यशाचे प्रतीक आहे. हा योग व्यक्तीला अत्यंत हुशार, धोरणी आणि आध्यात्मिक बनवतो. या योगाच्या प्रभावाने व्यक्ती आपल्या कार्यात यश मिळवून कुळाचे नाव उज्ज्वल करते.