Tag: महाराष्ट्र हवामान

राज्यात पावसाचा जोर ओसरल्यामुळे आता तापमानात वाढ होण्यास सुरुवात झाली आहे. मागील काही दिवसांत झालेल्या पावसामुळे मिळालेला दिलासा आता संपत चालला आहे.

राज्यातील विशेषतः दक्षिण कोकण आणि किनारपट्टी भागात मागील काही दिवसांपासून सुरू असलेला वादळी पावसाचा प्रभाव आता पूर्णपणे ओसरला आहे. हवामान खात्याच्या अंदाजानुसार पुढील तीन दिवसांत राज्यातील कमाल तापमानात दोन ते तीन अंश सेल्सिअसने वाढ होण्याची शक्यता आहे. सिंधुदुर्ग आणि रत्नागिरी भागात काही ठिकाणी किरकोळ स्वरूपाच्या नोंदी वगळता संपूर्ण राज्यात हवामान कोरडे झाले आहे. यंदाच्या हंगामात मान्सूनने आधीच माघार घेतल्यामुळे आधीच दुष्काळसदृश्य स्थिती निर्माण झाली आहे. प्रशांत महासागरातील एल निनो स्थितीची तीव्रता वाढत असल्यामुळे आगामी हिवाळ्यातही उष्णतेचा प्रभाव अधिक जाणवण्याची शक्यता हवामान अभ्यासकांनी वर्तवली आहे. त्यामुळे नागरिकांना तीव्र उन्हाचा व उकाड्याचा सामना करावा लागणार आहे. प्रशासनाकडून हवामानाच्या या बदलांवर सतत नजर ठेवली जात असून शेतकरी वर्गामध्ये चिंतेचे वातावरण निर्माण झाले आहे.