सह्याद्री मराठी वाहिनी

Category: खानपान

पारंपरिक पाककृती, पौष्टिक आहार आणि खानपानाशी संबंधित उपयुक्त माहिती वाचा खानपान या सदरात. सदर वाचण्यासाठी सह्याद्री मराठी वाहिनी ला आवश्य भेट द्या!

  • कुट्टु करी

    कुट्टु करी

    हा एक केरळचा प्रसिद्ध खाद्यपदार्थ आहे.
    साहित्य
    उकडलेले बटाटे – २ (चौकोनी तुकडे करून), लहान कांदे (कापलेले) – १०, आले-एक इंचाचा तुकडा, लसूण, भिजवलेली उडीद डाळ (वडे बनविण्यासाठी) – अर्धा कप, हिरव्या मिरच्या – ३, लाल तिखट – १ चमचा, धणे पावडर – २ चमचे, हळद – अर्धा चमचा, मिरी पावडर – अर्धा चमचा, गरम मसाला पावडर – अर्धा चमचा, मोहरी – १ चमचा, नारळाचे दूध – अर्धा कप, कढीपत्ता, कोथिंबीर, तेल, मीठ – चवीपुरते


    कृती :
    लहान कढई घेऊन त्यात थोडे तेल तापवा. भिजलेली उडीद डाळ पाणी न घालता बारीक वाटून घ्या. या वाटणात वडे बनविण्यासाठी मीठ घाला. तेल गरम झाल्यावर एक चमचा मिश्रण तापलेल्या तेलात घाला. चांगले तळून घ्या. वडे एका भांड्यामध्ये काढून बाजूला ठेवा. आता कढईत तीन चमचे तेल तापवा. मोहरी आणि कढीपत्ता घाला. तडतडल्यावर आले, लसूण, कांदे आणि हिरव्या मिरच्या घाला. थोडे परता. आता बटाटे चौकोनी कापून यात घाला. थोडा वेळ परता. त्यावर धणे पावडर, लाल तिखट, गरम मसाला आणि मिरी पावडर घालून एकत्र परता. आता त्यात एक कप पाणी घाला. मीठ घालून ढवळा. भांडे झाकून चांगले शिजवा. पाणी पूर्ण उडून गेले की नारळाचे जाड दूध घाला. थोडे ढवळा. आता त्यात तळलेले वडे घाला. थोडा वेळ उकळू द्या. चांगले मिसळून कोथिंबीर घाला. ‘कुट्टू करी’ तयार आहे. भाताच्या प्रकारांबरोबर ही चांगली लागते.

  • वेल्लरिका खिचडी

    वेल्लरिका खिचडी

    काकडीची दह्यातील कोशिंबीर बनविण्यास सोपी आणि थंडावा देणारी आहे. याला केरळमध्ये ‘वेल्लरिका खिचडी’ म्हणतात.

    साहित्य
    काकडी (बारीक तुकडे केलेली) – 2 कप, दही (आंबट नसलेले) – 1 कप, खोवलेला नारळ- अर्धा कप, हिरव्या मिरच्या (लहान गोल तुकडे कापलेले) – 3, लहान कांदे – 2, जिरे- अर्धा चमचा, मोहरी- अर्धा चमचा, कढीपत्ता, मीठ.
    कृती
    खोवलेला नारळ, लहान कांदे आणि जिरे एकत्र वाटून घ्या. आता काकडी, थोडे पाणी, मिरची आणि मीठ घालून शिजवा. भांड्यातील सगळे पाणी संपल्यावर त्यात नारळाचे वाटलेले मिश्रण घालून चांगले मिसळा. मोहरी, लाल मिरची आणि कढीपत्ता तडतडवून फोडणी करा व ती यावर घाला. मिश्रण थंड झाल्यावर दही घालून ते चांगले मिसळा.

  • राजस्थानी बटाट्याचे भरीत

    राजस्थानी बटाट्याचे भरीत

    साहित्य :
    10 बटाटे, 1 लहान चमचा मीठ, 4 कांदे, 1 लहान चमचा लाल मिरची पावडर, 1 लहान चमचा जिरे पावडर, 1 मूठभर कोथिंबीर पाने, २ चमचे मोहरीचे तेल, ४ हिरव्या मिरच्या

    कृती:
    सुरुवातीला सर्व वस्तू स्वच्छ धुवून घ्या. आता प्रेशर कुकरमध्ये पाणी घेऊन तो मध्यम आचेवर ठेवा. पाणी गरम झाल्यावर त्यात बटाटे घालून उकडण्यास ठेवा. आता कांदा, कोथिंबीर, हिरव्या मिरच्या बारीक चिरून घ्या.
    बटाटे उकडल्यावर ते पाण्यातून काढून घ्या. बटाटे थंड झाल्यावर साले काढून घ्या. एक भांडे घेऊन त्यात बटाटे ‘मॅश’ करुन घ्या. त्यात बारीक चिरलेला कांदा, हिरवी मिरची, कोथिंबीर, मीठ, मोहरीचे तेल, लाल तिखट, जिरेपूड घालून छान मिसळून घ्या. रुचकर बटाट्याचे भरीत तयार आहे.

  • गोव्याची इडली

    गोव्याची इडली

    साहित्य : २ कप बासमती तांदूळ, ३ चमचे साखर, आवश्यकतेनुसार मीठ, आवश्यकतेनुसार पाणी, 3/4 कप उडीद डाळ, 1 चमचा कोरडे यीस्ट, 3/4 कप नारळाचे दूध.

    कृती :
    दोन वेगळ्या भांड्यांमध्ये तांदूळ आणि उडीद डाळ ४-५ तास भिजत ठेवावे. ग्राइंडर किंवा ब्लेंडरमध्ये थोडे पाणी घालून तांदूळ व डाळीचे बारीक पीठ बनवावे. हे पीठ पातळ असू नये. म्हणजे ते वाहणारे नसावे. एका मोठ्या भांड्यात तांदळाचे पीठ आणि डाळीचे पीठ नारळाच्या दुधासह घालावे. मीठ, २ चमचे साखर घालून छान एकजीव करुन पीठ बाजूला ठेवावे. एका छोट्या भांड्यात यीस्ट, १ चमचे साखर आणि १/४ कप कोमट पाणी मिसळून बाजूला ठेवा. यीस्टचे मिश्रण कमीत कमी 10 मिनिटे बाजूला ठेवून नंतर पिठात घालावे. पिठात यीस्ट मिसळल्यानंतर ते 2-3 तास आंबण्यासाठी बाजूला ठेवावे. नंतर इडल्या वाफवून घ्याव्यात. इडल्या वाफवल्यानंतर गरमागरम सर्व्ह करा. इडली स्पंजी बनविण्यासाठी इडली वाफवण्यापूर्वी किमान 6-8 मिनिटे पीठ चांगली फेटावे.

  • पालक-बेसन पोळी

    पालक-बेसन पोळी

    साहित्य : बेसन – 3 चमचे, तांदूळ पीठ – 2 चमचे, रवा – 1 मोठा चमचा, लाल मिरची पावडर – 1 लहान चमचा, दही – 2 चमचे, हळद पावडर – पाव लहान चमचा, चिरलेला पालक – १ कप, चवीनुसार मीठ, तेल – गरजेनुसार, पाणी.

    कृती : प्रथम एक मोठे पातेले घ्यावे. त्यात पालक व पाणी वगळता सर्व साहित्य चांगले मिसळावे. आता गॅसवर पॅन ठेवावे. त्यात 1 मोठा चमचा तेल घालून गरम करावे. यानंतर गरम तेलात जिरे, हिंग आणि मोहरी घालून चांगली फोडणी द्यावी. आता त्यात पालक टाकून मध्यम आचेवर साधारण २ मिनिटे परतून घ्यावे. नंतर गॅस बंद करावा. हा पालक चांगला मॅश करुन घ्यावा. आता त्यात बेसन घालावे. पाव कप पाणी घालून सर्व साहित्य नीट मिसळून आणि जाडसर पीठ तयार करावे. त्यानंतर, पॅन मोठ्या आचेवर ठेवावे. त्यात 3 ते 4 चमचे तेल घालावे. तेल गरम झाल्यावर त्यावर हे तयार मिश्रण घालून खरपूस भाजून घ्यावे. दोन्ही बाजूंनी परतून सोनेरी-तपकिरी रंगावर छान खरपूस भाजावे. पूर्ण शिजल्यावर थाळीत ठेवून खाण्यास द्यावे.

  • मूगडाळीचे लाडू

    मूगडाळीचे लाडू

    साहित्य : २ कप मूगडाळ, ३ कप तूप, 1 कप साखर, 1 लहान चमचा वेलची पावडर, २ चमचे ड्रायफ्रुट्स, २ कप दूध.

    कृती : लाडू बनविण्यासाठी प्रथम एका कढईत तूप गरम करा. त्यात मूग डाळ सोनेरी होईपर्यंत तळा. आता ही डाळ एका प्लेटमध्ये ठेवून थंड करा. मिक्सरमध्ये बारीक वाटून घ्या. यानंतर कढईतील तुपात मूगडाळीचे पीठ घालून चांगली परतून घ्या. आता दूध गरम करुन घ्या. त्यात मुगडाळीचे पीठ, साखर,ड्रायफ्रुटस आणि वेलचीपूड टाकून चांगले मिसळा. आपल्या गरजेप्रमाणे तूप कमी-जास्त करु शकता. यानंतर हाताला थोडे तूप लावून लाडू बनवायला सुरुवात करा. मूग डाळीचे लाडू तयार आहेत.

  • केरळची प्रसिद्ध भाजी – एरिशेरी

    केरळची प्रसिद्ध भाजी – एरिशेरी

    साहित्य : पिकलेल्या भोपळ्याचे तुकडे – 1 वाटी, कच्च्या केळ्याचे तुकडे – 1 वाटी, सुरणाचे तुकडे – 1 वाटी, लाल चवळी – 1 वाटी, हळद – 1 लहान चमचा, जिरे – 1 लहान चमचा, लसूण – 2 पाकळ्या, हिरव्या मिरच्या – 3, मिरी – 1 लहान चमचा, कढीपत्ता, खोवलेला नारळ – 1 वाटी, मोहरी – 1 लहान चमचा, उडीद डाळ – 1 लहान चमचा, लाल मिरच्या – 4, मीठ व तेल.

    कृती:
    एका प्रेशर कुकरमध्ये भिजवलेली लाल चवळी,सुरण, केळे व भोपळ्याचे तुकडे घालून. चांगले ढवळा. त्यात पाणी घालून दोन शिटट्या काढून शिजवून घ्या. खोवलेला नारळ, हळद, जिरे, लसूण, हिरव्या मिरच्या आणि मिरे मिक्सरमध्ये वाटून घ्या. प्रेशर कुकर थंड झाल्यावर झाकण उघडा. वाटलेले वाटण त्यात घालून चांगले ढवळून घ्या. चवीनुसार मीठ आणि थोडे पाणी घालून एक उकळी आणा. आता फोडणीसाठी एक कढई घेऊन त्यात गरजेएवढे तेल गरम करा. तेल तापल्यावर त्यात लाल मिरच्या, मोहरी, उडीद डाळ, कढीपत्ता घाला. फोडणी तडतडेपर्यंत प्रेशर कुकरमधील सारण एका बाऊलमध्ये काढा. आता वरुन ही तुम्ही फोडणी या भाजीवर घालून झाकण ठेवा. आपली भाजी तयार आहे. याला केरळमध्ये ‘एरिशेरी’ म्हणतात.

  • तूप-मसाले भात

    तूप-मसाले भात

    साहित्य : बिर्याणीचा तांदूळ – 2 कप, साजूक तूप – 5 ते 6 चमचे (विकतचेही तूप चालेल), लवंगा – 4 ते 5, लिंबाचा रस, मिरी – 4 ते 5, चिरलेले कांदे – 2, तमालपत्र – 2, वेलची – 4, दालचिनी – 2 काड्या, काजू – अर्धा कप, बेदाणे – पाव कप (ऐच्छिक), किसलेले आले – 1 चमचा, वाटलेला लसूण – 1 चमचा, चिरलेली कोथिंबीर आपल्या आवडीप्रमाणे, पाणी – साडे तीन कप, मीठ – चवीनुसार.

    कृती : तांदूळ स्वच्छ धुवून घ्या. पाणी पूर्णपणे काढून तांदूळ बाजूला ठेवून द्या. एका कढईत तीन चमचे तूप गरम करुन त्यात काजू तांबूस होईपर्यंत परतून घ्या. काजू काढल्यावर त्यात बेदाणेही असेच खरपूस परतून मग एका ताटात काढून घ्या. आता कढईत आणखी थोडे तूप घालून गरम करुन घ्या. त्यात कांदा घाला आणि मीठ घालून छान परतून घ्या. या मिश्रणाला तांबूस रंग यायला हवा. आता परतलेले काजू आणि बेदाणे ठेवलेल्या ताटात हा कांदा काढून घ्या.

    आता ज्यात भात बनविणार आहोत, अशा भांउ्यात आणखी थोडे तूप गरम करा. ते तापल्यावर त्यात लवंगा, वेलची, ठेचलेली मिरी आणि आले-लसूण घाला. हे चांगले परतून झाल्यावर यात एक चिरलेला कांदा घाला. छान परतून झाले की यात धुवून बाजूला ठेवलेला तांदूळ घाला. चांगले मिसळून गरजेप्रमाणे मीठ घाला. कोथिंबीर, तमालपत्राचे तुकडे घालून एकदा परतून घेऊन त्यात पाणी घाला. एकदा चारही बाजुंनी मस्त ढवळून भांड्यावर झाकण ठेवून द्या. साधारण पाच मिनिटांनी झाकण काढून बघा. यावेळी त्यात थोडा लिंबाचा रस घालून चांगले मिसळा. भात शिजला की त्यात परतून ठेवलेले काजू, बेदाणे व तळलेला कांदा घाला. तूप भात तयार आहे.

  • केरळमधील मूगडाळीची आमटी

    केरळमधील मूगडाळीची आमटी

    साहित्य:
    अर्धा कप मूगडाळ, २ किंवा ४ लसणीच्या पाकळ्या, १ कप खोवलेला नारळ, ३ चमचे खोबरेल तेल, २ चमचे तूप, अर्धा चमचा जिरे, पाव चमचा हळद, गरजेप्रमाणे कढीपत्ता.

    कृती : कृती : एका जाड बुडाच्या भांडयात तूप गरम करुन घ्या. त्यात मूगडाळ तांबुस रंगाची होईपर्यंत भाजून घ्या. एका वेगळ्या भांड्यात 2 कप पाणी उकळवा. त्यात भाजलेली मूगडाळ घालून चांगली शिजवा. डाळ घट्ट झाली तर पाणी घालून थोडी पातळ करा. शिजलेली डाळ चांगली घोटून मग त्यात मीठ आणि हळद घालून चागली मिसळा. ओले खोबरे, जिरे आणि लसणीबरोबर वाटा. वाटलेले मिश्रण डाळीत घालून पाणी घालून मिसळा. डाळ एकजीव होईपर्यंत उकळू द्या. या डाळीला वेगळी फोडणी देत नाहीत. उाळ उकळली की गॅसवरुन खाली उतरुन त्यावर वरुन खोबरेल तेल आणि चुरलेला कढीपत्ता घालून चांगली मिसळून घ्या.डाळ तयार आहे.

  • कारल्याचे काप

    कारल्याचे काप

    साहित्य : कारले (पातळ काप)-2 कप, खोबऱ्याचे पातळ काप – अर्धा कप, हिरव्या मिरच्या (लांब चिरलेल्या) -4, लाल तिखट – 1 चमचा, हळद-अर्धा चमचा , तळण्यासाठी खोबरेल किंवा तिळाचे तेल,मीठ.


    कृती:
    कारल्याचे पातळ काप पाण्यात धुवून घ्यावेत. त्याचे पाणी काढून टाकावे. लाल तिखट, हिरव्या मिरच्या, नारळाचे तुकडे, हळद आणि मीठ घालावे. हाताने चांगले मिसळून घ्यावे. काही मिनिटांसाठी तसेच ठेवून द्यावे. त्यानंतर कारली मंद आचेवर गुलाबी रंगाची होईपर्यंत कुरकुरीत तळावीत. ही भाताबरोबर खायला छान लागतात.

  • कडला करी

    कडला करी

    साहित्य : हरभरे – 1 कप, छोटे कांदे चिरुन -1 कप, नारळाचे खोबरे -1 कप, हळद- अर्धा चमचा, गरम मसाला-अर्धा चमचा, मीठ, तेल, मोहरी, लाल मिरच्या, आले-लसूण पेस्ट, नारळाच्या खोबऱ्याचे चौकोनी तुकडे पाव कप, धणेपूड-2 चमचे, लाल तिखट -1 चमचा, टोमॅटो कापून-पाव कप, कढीपत्याची पाने, कोथिंबीर.

    कृती :
    सकाळी करी करायची असल्यास आदल्या दिवशी रात्री हरभरे पाण्यात भिजत घालावेत. या पाण्यात मीठ घालावे. त्यानंतर हे हरभरे मऊ शिजवून घ्यावे. एका भांड्यात एक चमचा तेल गरम करावे. या तेलात खोबरे, धणेपूड, लाल तिखट आणि गरम मसाला घालून छान मिसळावे. हे सर्व मिश्रण तांबूस होईपरियंत भाजून घ्यावे. करपू देऊ नये. थंड झाल्यावर मिक्सरच्या भांड्यातून बारीक वाटून घ्यावे. आता या रिकामी झालेल्या भांड्यात फोडणी करावी. प्रथम थोडे खोबरेल तेल गरम करावे.

    आपण कोणतेही खाद्यतेल वापरु शकता. त्यात थोडी मोहरी आणि लाल मिरच्या घालाव्यात. त्या चांगल्या तडतडू लागल्या की त्यात चौकोनी तुकडे केलेले नारळाचे तुकडे घालावेत. थोडा वेळ ढवळून त्यात आले-लसूण पेस्ट, कांदे, टोमॅटो आणि थोडी कढीपत्त्याची पाने चुरून घालून छान परतून घ्यावे. कांदा-टोमॅटो चांगला मऊसर शिजल्यावर त्यात शिजवलेले हरभरे घालून पुरेसे पाणी ओतावे. गरजेनुसार मीठ घालून ढवळावे. यामध्ये मिक्सरच्या भंड्यात वाटलेले वाटण घालून छान मिसळून घ्यावे. गरजेप्रमाणे पाणी ओतून ही करी उकळून घ्यावी. व्यवस्थित उकळल्यावर वरुन चिरलेली कोथिंबीर घालून झाकून ठेवावी.

  • नाचणीच्या पिठाचे लाडू

    नाचणीच्या पिठाचे लाडू

    साहित्य : नाचणी ४ वाट्या धुवून घ्यावी. स्वच्छ कापडावर पसरुन वाळवावी. त्याचे पीठ करुन घ्यावे. वेलचीपूड दीड चमचा, ३ वाट्या पिठीसाखर, कणीक १ वाटी, साजूक तूप १ ते दीड वाटी

    कृती : प्रथम नाचणीचे पीठ आणि कणीक घ्यावी. तूप पातेल्यात घालून मंद आचेवर खरपूस (तांबूस) भाजून घ्यावे. थंड झाल्यावर त्यात पिठीसाखर व वेलचीपूड घालून लाडू वळावेत. हे लाडू उन्हाळ्यातसुद्धा खाणे चांगले. नाचणीमध्ये कॅल्शियम असते. लाडूचे पीठ चांगले भाजले तर खमंग होतील. मधुमेह असलेल्यांनी हे लाडू खाऊ नयेत.

  • केरळचे ओलन

    केरळचे ओलन

    साहित्य : कोहळा- 1 मध्यम, भोपळ्याचे तुकडे – 1 कप, हिरव्या मिरच्या – 6, नारळाचे दूध – 1 कप, शिजवलेली लाल चवळी – पाव कप, वालाचे दाणे, कढीपत्ता, मीठ, खोबरेल तेल – 3 चमचे.

    कृती : लाल चवळीत मीठ घालून मऊ शिजवून घ्यावी. त्यात कोहळ्याचे तुकडे, वालाचे दाणे, भोपळ्याचे तुकडे आणि हिरव्या मिरच्या घालाव्यात. थोडे ढवळून त्यात पाणी घालावे. आता या भांड्यावर झाकण ठेवून पाच मिनिटांपर्यंत शिजू द्यावे. हे झाकण काढून हळुवार ढवळून त्यात मीठ आणि कढीपत्ता घालावा. एक उकळी आली की यात नारळाचे दूध घालून चांगले मिसळावे. थोडे तेल घालून पुन्हा ढवळावे. ‘ओलन’ खाण्यासाठी तयार आहे.

  • नेपाळी आलू तारेको

    नेपाळी आलू तारेको

    साहित्य : 500 ग्रॅम बटाटे, पाव लहान चमचा मेथी दाणे ,४ सुक्या लाल मिरच्या, अर्धा लहान चमचा हळद पावडर, २ मोठे चमचे आले-लसूण पेस्ट,अर्धा मोठा चमचा धणेपूड, 2 लहान चमचे लाल मिरची पावडर, 1 चिमूट मिरपूड, ३ मोठे चमचे तेल, मीठ चवीनुसार.

    पदार्थ बनवायला सुरुवात करण्यासाठी बटाटे सोलून धुवा आणि जाड काचऱ्यांमध्ये कापून घ्या. पाण्यात भिजवून बाजूला ठेवा. एका पॅनमध्ये 2 चमचे (शक्यतो) मोहरीचे तेल जास्त आचेवर गरम करा. आता आच कमी करून त्यात मेथी आणि सुक्या लाल मिरच्या टाकून तडतडू द्या. पाण्यातून निथळलेल्या बटाट्याच्या फोडी त्यात हळद, मीठ घालून चांगले ढवळून घ्या. हे बटाटे या फोडणीत वाफेवर शिजवा. आता शिजलेले बटाटे एका प्लेटमध्ये काढून बाजूला ठेवा. त्याच कढईत एक चमचा मोहरीचे तेल टाकून गरम करा. त्यात आले आणि लसूण पेस्ट घालून कच्चा वास निघेपर्यंत परतून घ्या. त्यावर धणेपूड, तिखट घालून चांगले परता. बटाटे पुन्हा पॅनमध्ये घाला आणि ते मसाले चांगले लागेपर्यंत नीट ढवळून घ्या. आता हे सारण 10 मिनिटे मंद आचेवर परता. ते कुरकुरीत होतात.

  • चटपटीत सॅलड

    चटपटीत सॅलड

    साहित्य – 1 कप हरभरा, १ कप मूग, २ हिरव्या मिरच्या, 2 टोमॅटो

    १ कांदा, 1 काकडी, अर्धा चिरलेला लिंबू, चवीनुसार मीठ, अर्धा लहान चमचा काळे मीठ. गरजेनुसार ओली कोथिंबीर.
    कृती – सर्वप्रथम दोन पातेल्यांमध्ये पाणी घेऊन त्यात हरभरे आणि मूग वेगवेगळे घालून रात्रभर भिजत ठेवावेत . सकाळी स्वच्छ पाण्याने धुवून गाळून घ्यावेत. त्यानंतर स्वच्छ सुती कापडात गुंडाळून एक किंवा दोन दिवस तसेच राहू द्यावे . ज्यादिवशी सॅलड बनवायचे आहे, त्यादिवशी टोमॅटो, कांदा, काकडी, हिरवी मिरची, ओली कोथिंबीर बारीक चिरून घ्यावी. आता सर्व अंकुरलेले धान्य एकदा हळुवार धुवावे आणि चांगले गाळून घ्यावे. मग सर्व चिरलेल्या भाज्यांमध्ये ते मिसळावे. नंतर अर्ध्या लिंबाचा रस, काळे मीठ आणि चवीनुसार मीठ घालून सर्व मिसळावे चटपटीत सॅलड तयार आहे.

  • मटकी चाट

    मटकी चाट

    साहित्य : अर्धा कप मटकी, 1 मध्यम आकाराचा उकडलेला बटाटा, 1 टोमॅटोचे छोटे तुकडे, १ बारीक चिरलेला कांदा, 1 बारीक चिरलेली हिरवी मिरची, पाव चमचा हळद, पाव चमचा काळे मीठ, चवीनुसार मीठ , पाऊण लहान चमचा चाट मसाला, अर्धा लहान चमचा भाजलेले जिरे, 2 लहान चमचे हिरवी चटणी, लिंबू अर्धा, ओली कोथिंबीर -1 लहान चमचा, सजावटीसाठी बारीक शेव.

    कृती : मटकी चाट बनविण्यापूर्वी एक रात्र पाण्यात भिजवून ठेवा. भिजत घालताना पाण्याचे प्रमाण दुप्पट ठेवावे. सकाळी ती चांगली फुगून येते. मटकीला अंकुर येण्यासाठी दुसऱ्या दिवशी ते पाण्याबाहेर काढून स्वच्छ ओल्या कपड्यामध्ये गुंडाळून किंवा चाळणीत ठेवावी. चाट बनविण्यासाठी अंकुर आलेली मटकी मऊ शिजवून घ्यावी. यासाठी एका भांड्यात दोन वाट्या पाणी घेऊन त्यात मीठ आणि हळद घालून चांगले उकळावे. त्यात अंकुरलेली मटकी घालून पाच मिनिटे ऊब द्यावी. ५ मिनिटांनी गॅस बंद करावा. उकडलेली मटकी एका भांड्यात काढावी. बटाटा उकडून घ्यावा. थंड झाल्यावर त्याचे तुकडे करावेत. चाट बनविण्यासाठी मटकीमध्ये काळे मीठ, चाट मसाला, मिरची, जिरेपूड, टोमॅटो आणि चिरलेला बटाटा घाला. वरून हिरवी कोथिंबीर आणि लिंबाचा रस, चवीनुसार मीठ घालून चमच्याने सर्व काही चांगले मिसळून घ्या. मटकी चाट तयार आहे.

  • साबुदाण्याची खीर

    साबुदाण्याची खीर

    साहित्य : १ वाटी साबुदाणा, १ लिटर दूध, दीड कप साखर किंवा गूळ, ४ वेलची.

    कृती : साबुदाणा शिजवण्यापूर्वी सुमारे 15 मिनिटे पाण्यात भिजवा. कढईत दूध उकळत ठेवा. एक उकळी आल्यावर त्यात साखर आणि वेलचीपूड घाला. यानंतर त्यात भिजवलेला साबुदाणा घालून सुमारे 5-10 मिनिटे उकळू द्या. याने साबुदाणा दूध शोषून घेईल आणि फुगेल. मग यात साधारण १ कप पाणी घालून एक उकळी आणा. चविष्ट साबुदाणा खीर तयार आहे.

  • डाळ तडका

    डाळ तडका

    साहित्य : तूरडाळ – १ कप, मध्यम आकाराचे टोमॅटो – 2, तूप – 1 लहान चमचा, हिरवी मिरची – २ नग, आले – 1 इंच तुकडा, धणे पावडर – 1 लहान चमचा, जिरे – अर्धा लहान चमचा, हळद पावडर – पाव लहान चमचा, लाल मिरचीपूड – पाव लहान चमचा, हिंग – 1 चिमूटभर, हिरवी कोथिंबीर – 1 चमचा, मीठ – चवीनुसार.

    कृती : सर्वप्रथम तूरडाळ स्वच्छ धुवून घ्या. आता ती ३० मिनिटे पाण्यात भिजत ठेवा. यानंतर टोमॅटो, हिरवी मिरची आणि आले मिक्सरमध्ये बारीक वाटून घ्या. भिजवलेली डाळ कुकरमध्ये घ्या. त्यात चवीनुसार मीठ आणि २ छोटे ग्लास पाणी घालून मध्यम आचेवर शिजवा. कुकरची एक शिट्टी झाल्यावर गॅस मंद करा. यानंतर डाळ आणखी ४-५ मिनिटे शिजू द्या. नंतर गॅस बंद करा. कुकरमधून डाळ काढण्यापूर्वी एका कढईत फोडणी तयार करा. यासाठी कढईत तूप गरम करा. तूप गरम झाल्यावर त्यात जिरे व हिंग घालून थोडे परतून घ्या. यानंतर हळद आणि धणेपूड घालून हलके परतून घ्या. मसाले भाजून झाल्यावर त्यामध्ये टोमॅटोचे वाटण आणि लाल मिरची घालून तूप सुटेपर्यंत परतून घ्या. यानंतर गॅस बंद करून कुकरचे झाकण उघडा. या फोडणीत डाळ तसेच चिरलेली हिरवी कोथिंबीर घाला.

    बरं, तुमची अरहर डाळ बनवण्याची पद्धत पूर्ण झाली आहे. आता तुमची स्वादिष्ट अरहर डाळ / तूर डाळ तयार आहे. सर्व्हिंग बाऊलमध्ये काढून रोटी आणि भातासोबत मजा घ्या. आमची लोकप्रिय अरहर दाल तडका, संपूर्ण मसूर डाळ, पंचमेल डाळ, तांदळाची इडली, मुघलाई व्हेज बिर्याणी रेसिपी वापरून पहा. ही रेसिपी देखील तुम्हाला नक्कीच आवडेल.

  • केळीचे रायते

    केळीचे रायते

    साहित्य : पिकलेली केळी – चार , दही – एक किलो, साखर – दोन कप, वेलची पावडर – एक मोठा चमचा, देशी तूप – दोन -तीन चमचे, खोबरे किसलेले – तीन -चार चमचे, मनुका – दहा -पंधरा , काजू – दोन चमचे, बदाम – दोन चमचे

    कृती : केळीचे रायते बनविण्यासाठी प्रथम चार पिकलेली केळी सोलून त्यांचे पातळ तुकडे करावेत. 1 किलो दही घेऊन चांगले फेटून घ्यावे. यानंतर या दह्यात साधारण दोन वाट्या पिठीसाखर आणि थोडी वेलचीपूड घालून मिसळून घ्यावे. यात चिरलेली केळी घालून मिसळावे. आता एक कढई घेऊन त्यात २-३ चमचे तूप गरम करावे. त्यात किसलेले खोबरे घालून चांगले परतून घ्यावे.बेदाणे, काजूचे आणि बदामाचे काप घालावेत. स्वादिष्ट आणि गोड केळी रायते तयार आहे.

  • मूग डाळ टोस्ट रेसिपी

    मूग डाळ टोस्ट रेसिपी

    मूग डाळ टोस्ट ही एक अतिशय आरोग्यदायी आणि चवदार रेसिपी आहे, जी तुम्ही सकाळच्या नाश्त्यासाठी किंवा संध्याकाळच्या नाश्तासाठी काही मिनिटांत बनवू शकता. एवढेच नाही तर मुलांच्या टिफिनसाठीही हा एक चांगला आणि चविष्ट पर्याय आहे. जर तुम्हाला तुमच्या मुलांना जंक फूडच्या सवयीपासून मुक्त करायचे असेल तर ही डिश उत्तम पर्याय ठरू शकते.

    मूग डाळ टोस्ट साठी साहित्य
    एक कप मूग डाळ (भिजवलेले), अर्धा कांदा, बारीक चिरलेला, एक चौथा कप गाजर, किसलेले, एक चौथा कप शिमला मिरची, किसलेले
    दोन हिरव्या मिरच्या, एक इंच आले, एक चमचे तूप, चार ब्रेड स्लाइस, अर्धा लहान, अर्धा टीस्पून लाल मिरची पावडर, अर्धा टीस्पून धने पावडर, एक चौथा टीस्पून हळद चवीनुसार मीठ, एक टीस्पून धणे बारीक चिरून.

    मूग डाळ टोस्ट कसा बनवायचा?
    मुगाची डाळ, हिरवी मिरची आणि आले बारीक भांड्यात टाका आणि गुळगुळीत पीठ बनवा. पिठात हिंग, कांदा, सिमला मिरची, गाजर, तिखट, हळद, धने पावडर आणि मीठ घालून सर्वकाही चांगले मिसळा. गॅसवर ठेवून पॅन गरम करा, आता ब्रेड स्लाईस घ्या आणि त्याच्या एका बाजूला पीठ पसरवा. गरम तव्यावर थोडं तूप पसरून त्यावर टोस्ट ठेवा, आता पीठ दुसऱ्या बाजूलाही पसरवा. त्यावर थोडं तूप लावून दुसऱ्या बाजूनेही कुरकुरीत होईपर्यंत तळा. दोन्ही बाजूंनी टोस्ट चांगला भाजल्यावर तो कापून चटणीबरोबर सर्व्ह करा.

  • पिठाचे स्वादिष्ट लाडू

    पिठाचे स्वादिष्ट लाडू

    साहित्य : गव्हाचे पीठ – एक कप, देशी तूप – एक कप, पिठीसाखर – कप, सुका मेवा – अर्धा कप, वेलची पावडर अर्धा लहान चमचा.

    कृती : पिठाची पिन्नी बनविण्यासाठी प्रथम एका कढईत देशी तूप टाकावे. मध्यम आचेवर गरम करावे. आता त्यात पीठ घालावे. आणि सतत ढवळत रहावे. पिठाचा रंग सोनेरी झाला आणि छान वास येऊ लागला म्हणजे ते खरपूस भाजल्याचे समजावे. पीठ थंड झाल्यावर त्यात पिठीसाखर घालावी. यानंतर त्यामध्ये सुका मेवा घालून छान मिसळावे. हाताला थोडे तूप लावून लाडू बांधायला सुरुवात करावी. स्वादिष्ट पिठाचे लाडू तयार आहेत.

  • नारळ रबडी

    नारळ रबडी

    साहितय : 1 लिटर फुल क्रीम दूध, अर्धा कप किसलेले खोबरे, अर्धा कप खवा, साखर चवीनुसार, काजू, वेलचीपूड, बदामाचे काप, पिस्ता आणि 10 केशर धागे, सजावटीसाठी गुलाबाच्या पाकळ्या.

    कृती : सर्वप्रथम एका छोट्या भांड्यात १०-१५ काजू गरम पाण्यात भिजत घालून 15 मिनिटे बाजूला ठेवा. एक भांडे घ्या. त्यात फुल क्रीम दूध घाला. उकळी येईपर्यंत गरम करत रहा. आच मंद करुन दूध पाऊण प्रमाणात कमी होईपर्यंत शिजवत रहा. ते तळाला चिकटू नये, यासाठी ते सारखे ढवळत रहा. आता या दुधात केशराचे धागे आणि खवा घालून काही मिनिटे ढवळत रहा. मिक्सरच्या भांड्यात भिजवलेले काजू घालून बारीक वाटण तयार होईपर्यंत मिसळा. आता या मिश्रणात साखर आणि किसलेले खोबरे घालून चांगले मिसळून घ्या. दूध घट्ट होईपर्यंत ढवळत रहा. त्यात काजूचे वाटण घाला. चांगले शिजवून गॅस बंद करा. आणि थंड होऊ द्या. नारळाची रबडी तयार आहे.

  • फळांचे आईस्क्रीम

    फळांचे आईस्क्रीम

    उष्ण वातावरणात नेहमीच थंड पाणी, थंड पेय आणि आईस्क्रीमची गरज भासते. तर, काही रसाळ फळे वापरून घरीच स्वादिष्ट आइस्क्रीम बनवायचे कसे? होय, आम्ही अशाच काही फळांबद्दल सांगणार आहोत, ज्यांचा वापर करून तुम्ही स्वादिष्ट आइस्क्रीम तयार करू शकता. चला या यादीवर एक नजर टाकूया.आंबा- उष्णकटिबंधीय चवीसाठी प्रसिद्ध असलेल्या आंब्यापासून मलईदार आणि स्वादिष्ट आइस्क्रीम तयार करता येते. त्यात तुम्ही तुमच्या आवडीचे काही ड्राय फ्रूट्सही मिक्स करू शकता.


    अननस- त्याच्या गोड आणि आंबट चवीमुळे अननस वापरून स्वादिष्ट आइस्क्रीमही तयार करता येते. त्याचा लगदा काढण्यासाठी तुम्हाला कदाचित खूप मेहनत करावी लागेल.
    केळी – गोठवलेले आणि मिश्रित केल्यावर, केळी एक मलईदार आणि लोणीयुक्त पोत देतात, जे डेअरी-मुक्त आइस्क्रीमसाठी एक उत्तम पर्याय आहे

  • धान्यांची इडली

    धान्यांची इडली

    साहित्य : बाजरीचे पीठ – अर्धा कप, नाचणीचे पीठ – अर्धा कप, गव्हाचे पीठ – अर्धा कप, ज्वारीचे पीठ – अर्धा कप, उडीद डाळ – अर्धा कप, मेथी दाणे- 2 लहान चमचे, मीठ – 1 लहान चमचा.

    कृती : धान्यांची इडली बनविण्यासाठी प्रथम मेथी दाणे आणि उडीद डाळ एका भांड्यात भिजत घालावी. किमान चार तास ही भिजायला हवी. त्यानंतर ती पाण्यातून काढून मिक्सरच्या भांड्यात बारीक करुन घ्यावी. आता हे पीठ एका भांड्यात काढून त्यात वरील सर्व पिठे घालून छान एकजीव करुन घ्यावी. त्यात गरजेप्रमाणे पाणी घालून चांगले फेटून घ्यावे. मग रात्रभर झाकून ठेवावे. यानंतर सकाळी इडलीच्या साच्यात थोडे तेल लावून त्यात चमच्याच्या सहाय्याने पीठ घाला. ते 10 ते 15 मिनिटे वाफेवर शिजवा. आता ही इडली गरमागरम सांबार किंवा चटणीसोबत खाण्यास द्या.

  • दही कारले

    दही कारले

    साहित्य : एक कारले, चिरलेला कांदा, चिरलेला टोमॅटो, आले, चार हिरव्या मिरच्या, हिंग, जिरे,अर्धा लहान चमचा धणे, हळद, अर्धा लहान चमचा लाल तिखट,मीठ, अर्धी वाटी दही.

    कृती : कारल्याचे तुकडे तळून घेऊन बाजूला ठेवा. आता कढईत तेल गरम करून त्यात चिरलेला कांदा, आले आणि हिरवी मिरची घाला. हिंग व जिरे घालून परतून घ्या. आता हळद, धणे, तिखट, मसाले आणि मीठ घाला. आता तळलेले कारले नीट मिसळून घ्या. त्यात दही घालून सर्व काही नीट मिसळून घ्या..

    तुमची दही कारल्याची भाजी तयार आहे, सर्वप्रथम दही फेटून त्यात तिखट, खडे मीठ आणि काजू पावडर मिसळा. आता गरम तेलात जिरे आणि आले मसाला घालून त्यात चिरलेला टोमॅटो परतून घ्या आणि थोडा वेळ शिजवा. आता मंद आचेवर या भाजीत दह्याचे मिश्रण घालून दोन ते चार मिनिटे ढवळत शिजवा. दही सह बटाटे तयार आहेत. जिरे भात किंवा रोटी बरोबर सर्व्ह करा