Category: वेब सिरीज / ओटीटी

हिंदी वेब मालिका ‘महाराणी भाग ४’ पुन्हा एकदा सत्तेच्या रणांगणात प्रेक्षकांना घेऊन आली आहे. या वेबमालिकेने पहिल्या भागापासूनच प्रेक्षकांच्या मनात आपली अविस्मरणीय जागा निर्माण केली होती आणि आता चौथ्या भागात त्या कथानकाची नवी राजकीय लढत अधिक तीव्र, अधिक धगधगती आणि विचार करायला भाग पाडणारी ठरते.

‘महाराणी भाग ४’ ही वेब मालिका दिनांक ८ नोव्हेंबर २०२५ रोजी सोनी लिव्ह या डिजिटल प्लॅटफॉर्मवर प्रदर्शित झाली असून प्रेक्षकांना या भागात सत्तेचा बदलता खेळ, जुन्या पात्रांचे पुनरागमन आणि काही नव्या चेहऱ्यांचे आगमन बघायला मिळणार आहे. कथानकात राजकीय सत्तेच्या पलिकडे मानवी भावनांची झुंज आहे जी या वेबमालिकेला एक वेगळी दिशा देते.

प्रसिद्ध दिग्दर्शक रविंद्र गौतम यांनी ही वेब मालिका दिग्दर्शित केली आहे तर सुबहा वर्मा यांनी लेखन केले आहे. ‘महाराणी भाग ४’ मध्ये पुन्हा एकदा हुमा कुरेशी तिच्या दमदार अभिनयाने प्रेक्षकांना मोहित करते आहे. तिच्या व्यक्तिरेखेतील ताकद, निर्धार आणि संघर्ष पुन्हा एकदा केंद्रस्थानी आला आहे. तिच्यासोबत सोहम शाह, दिब्येंदू भट्टाचार्य आणि अमित सियाल यांची प्रभावी भूमिका या वेब मालिकेला अधिक उत्कृष्ट बनवतात.

‘महाराणी भाग ४’ मध्ये सत्तेचा संघर्ष केवळ राजकारणापुरता मर्यादित नसून तो वैयक्तिक नात्यांपर्यंत पोहोचतो. सत्तेच्या मागे असलेला मानवी स्वभाव, द्वेष, ईर्ष्या, फसवणूक आणि विश्वासघात या सगळ्यांचा गुंता या भागात अधिक तीव्रतेने दिसतो. हुमा कुरेशीची व्यक्तिरेखा म्हणजे एक अशी स्त्री जी सत्तेच्या खेळात पुरुषप्रधान राजकारणाला सामोरे जाते आणि स्वतःचं अस्तित्व टिकवते. तिच्या चेहऱ्यावरचं संतुलन आणि डोळ्यांमधला जिद्दीपणा प्रेक्षकांना प्रत्येक प्रसंगात गुंतवून ठेवतो.

या वेब मालिकेचे दृश्यसौंदर्य आणि संवाद लेखन हे दोन्ही घटक उल्लेखनीय आहेत. राजकीय वातावरण, सभागृहातील घडामोडी, जनतेशी असलेला संवाद, आणि नेत्यांच्या पाठीमागे चालणाऱ्या कटकारस्थानांचा वास्तववादी चित्रण यात उत्तमरीत्या साकारलं आहे. संगीत आणि पार्श्वसंगीतही कथानकाच्या ताण-तणावाला योग्य साथ देतं. जर तुम्हाला राजकारण, सत्तेचे खेळ आणि नात्यांतील संघर्ष या सगळ्यांचा संगम पाहायला आवडत असेल तर ‘महाराणी भाग ४’ ही वेब मालिका नक्कीच पाहण्यासारखी आहे. तिचं कथानक विचार करायला लावतं आणि शेवटपर्यंत प्रेक्षकाला खिळवून ठेवतं.

एकूणच ‘महाराणी भाग ४’ ही केवळ सत्तेवरील मालिका नाही तर ती एका स्त्रीच्या संघर्षाची, दृढतेची आणि आत्मसन्मानाची गाथा आहे. ती पुन्हा एकदा सिद्ध करते की, सत्तेच्या खेळात महिलाही विजयी होऊ शकतात. केवळ राजकारणातच नाही तर जीवनाच्या प्रत्येक रणांगणात त्या प्रत्येक संकटाला सामोरे जाऊ शकतात. अशी ही जिद्द निर्माण करणारी कथा प्रेक्षकांना भारावून टाकणारी आहे. चित्रपट समीक्षक आणि प्रेक्षकांनी यावे व मालिकेला दहा पैकी आठ गुण दिले आहेत. ही वेब मालिका प्रत्येक महिलेला तिच्यातल्या सुप्त गुणांना वाव देणारी ठरते आहे.

‘ऑल हर फॉल्ट’ ही एक उत्कंठावर्धक रहस्यमय आणि थरारक हॉलीवूड वेबमालिका आहे जी दिनांक नोव्हेंबर २०२५ रोजी नेटफ्लिक्स या लोकप्रिय प्लॅटफॉर्मवर प्रदर्शित झाली. आयर्लंड आणि अमेरिकेच्या संयुक्त निर्मितीतील ही मालिका आहे मात्र तिचं सादरीकरण आणि दृश्यरचना पूर्णपणे हॉलीवूडच्या दर्जाला साजेशी आहे.

ही मालिका प्रसिद्ध लेखिका अ‍ॅडेल पार्क्स यांच्या “ऑल हर फॉल्ट” या प्रसिद्ध कादंबरीवर आधारित आहे. कथानकात एका सामान्य आईच्या आयुष्याला अचानक धक्का बसतो जेव्हा ती आपल्या मुलाला एका मैत्रिणीच्या घरी खेळायला सोडण्यासाठी जाते आणि तिथे पोहोचल्यावर तिला समजतं की त्या घरातली अनोळखी व्यक्ती ती अजिबात ओळखत नाही. आणि तिचा मुलगाही तिला कुठेच दिसत नाही. हा क्षण तिच्या आयुष्याला भयानक कलाटणी देतो. त्या क्षणापासून पुढे सुरू होतो तिचा शोध, संशय, गोंधळ आणि मातृत्वाच्या भीतीचा ताणतणावाने भरलेला प्रवास.

या मालिकेचं दिग्दर्शन अत्यंत प्रभावी आहे. प्रत्येक भागात कथानकात नवे रहस्य उलगडत जातं आणि प्रेक्षकांची उत्सुकता क्षणाक्षणाला वाढत राहते. मालिकेचा प्रत्येक दृश्य ताण आणि थरार निर्माण करणारा आहे. पार्श्वसंगीत, शांततेचा वापर आणि नायिकेच्या चेहऱ्यावर उमटणारे भाव हे सगळं एकत्र येऊन एक जबरदस्त सिनेमॅटिक अनुभव तयार करतात.

मुख्य भूमिकेत सारा स्नूक ही प्रतिभावान अभिनेत्री दिसते. तिने साकारलेली आई अत्यंत प्रभावी आणि वास्तववादी वाटते. तिच्या अभिनयात भय, असहायता आणि मुलासाठीची तगमग या सगळ्याच भावना प्रभावीपणे दिसतात. तिच्यासोबत डकोटा फॅनिंग आणि जेक लेसी यांच्याही भूमिका या मालिकेत अद्भुत आहेत. विशेषतः प्रत्येक कलाकाराने आपला स्वभाव, हावभाव आणि संवाद इतक्या प्रभावीपणे मांडले आहेत की कथानकाचा वेग कमी होत नाही.

‘ऑल हर फॉल्ट’ ही फक्त एक रहस्यकथा नाही तर ती एक आईच्या प्रेमाची आणि तिच्या संघर्षाची कहाणी आहे. ती दाखवते की भीती कितीही मोठी असो पण जेव्हा विषय आपल्या लेकराचा असतो तेव्हा एक साधी स्त्रीही मोठमोठ्या संकटांना सामोरे जाऊन हरवून टाकते.दिग्दर्शकाने या मालिकेत केवळ थरार दाखवला नाही तर समाजातील भावनिक ताण, विश्वासघात आणि “आपल्या ओळखींची खरी किंमत काय” या प्रश्नांनाही हात घातला आहे. कथानकात अनेक वळणं आहेत.ज्यामुळे प्रेक्षक शेवटच्या क्षणापर्यंत अंदाज लावू शकत नाहीत.

‘ऑल हर फॉल्ट’ ही एक अशी वेबमालिका आहे जिचं प्रत्येक दृश्य, प्रत्येक संवाद आणि प्रत्येक क्षण मनात घर करून राहतो. नेटफ्लिक्सवर उपलब्ध असलेली ही हॉलीवूड निर्मिती रहस्य, भावना आणि मातृत्व यांचा एक प्रभावी संगम आहे. ही वेबमालिका शेवटी विचार करायला लावते की “कधी कधी दोष कोणाचाच नसतो पण नकळत परिणाम सर्वांनाच भोगावे लागतात.” प्रत्येक भागात उत्सुकता निर्माण करणारी आणि प्रेक्षकांना खिळवून ठेवणारी असल्याने प्रेक्षक आणि समीक्षकांनी या वेब मालिकेला पाच पैकी चार गुण दिले आहेत.

सध्या समाजमाध्यमांवर आणि प्रेक्षकांमध्ये सर्वाधिक चर्चेत असलेली वेबमालिका म्हणजे ‘कुरुक्षेत्र’. या मालिकेचा पहिला भाग दिनांक १० ऑक्टोबर २०२५ रोजी प्रदर्शित झाला होता ज्यात नऊ भाग होते तर ह्याच मालिकेचा आणखी दुसरा भाग दिनांक २४ ऑक्टोबर २०२५ रोजी पुन्हा नवीन नऊ भागांसह प्रदर्शित करण्यात आला असून ह्या मालिकेने प्रेक्षकांची मनं जिंकली आहेत. कथा पाहताना प्रत्येक भाग नवीन विचार देतो आणि त्यामुळे पुढचा भाग पाहण्याची उत्सुकता अधिक वाढते.

‘कुरुक्षेत्र’ ही फक्त युद्धाची गोष्ट नाही तर माणसाच्या आयुष्यात चालणाऱ्या संघर्षाची गोष्ट आहे. कुणी आपल्या सत्यासाठी झगडतं तर कुणी सत्तेसाठी तर कुणी आपल्याच भावनांशी झुंज देतो. प्रत्येक पात्राचं आयुष्य वेगळं दिसतं आणि तरीही त्यात आपल्यासारखं काहीतरी ओळखीचं जाणवतं.या मालिकेचं कथानक खूप नीट विणलेलं आहे. कलाकारांचा अभिनय, संवाद आणि दृश्यं यामुळे कथा अधिक जिवंत वाटते. प्रेक्षक मालिकेत एवढे गुंततात की ती संपल्यावरही तिचे प्रसंग डोळ्यासमोर फिरत राहतात.

लोकांनी या मालिकेला समाजमाध्यमांवर जबरदस्त प्रतिसाद दिला आहे. अनेकांनी तिला “आजच्या काळाचं महाभारत” असं म्हटलं आहे. काहींनी ती “खऱ्या आयुष्याचं चित्र” असल्याचं सांगितलं आहे. मालिकेच्या शेवटाला पुढे एक विचार असाही येतो की “आपल्या आयुष्यातील खरं कुरुक्षेत्र कोणतं?” आणि हाच प्रश्न प्रेक्षकांच्या मनात घर करून राहतो.

एकंदरीत पाहता ‘कुरुक्षेत्र’ ही मालिका प्रेक्षकांना खिळवून ठेवते, विचार करायला लावते आणि मनाला भिडते. कलाकारांचा अभिनय, दिग्दर्शन आणि कथा या तिन्ही गोष्टी उत्तम जमल्या आहेत. समीक्षक आणि प्रेक्षक दोघांनीही या मालिकेला ५ पैकी ४.५ गुण मिळाले असून गुगलवर ८२ टक्के लोकांना ही वेबमालिका पसंत पडली असल्याची माहिती समोर आली आहे.