स्वतंत्र बातमी

छत्रपती शिवाजी महाराज सर्किट ट्रेन टूर दिनांक ९ जून २०२५ पासून मुंबईतील छत्रपती शिवाजी महाराज टर्मिनस येथून सुरू होत आहे. ही सहा दिवसांची ऐतिहासिक यात्रा IRCTC, महाराष्ट्र शासन आणि भारतीय रेल्वे यांच्या संयुक्त विद्यमाने आयोजित करण्यात आली आहे, ज्यामध्ये सातशे दहा प्रवासी सहभागी होणार आहेत.

टूरचा तपशीलवार कार्यक्रम:

दिवस एक ९ जून छत्रपती शिवाजी महाराज टर्मिनस वरून प्रस्थान, मंगावन रेल्वे स्थानकावर आगमन, रायगड किल्ल्याला भेट, नंतर पुण्यात रात्रीचे वास्तव्य. दिवस दोन पुण्यातील लाल महाल, कसबा गणपती मंदिर आणि शिवसृष्टी या ऐतिहासिक स्थळांना भेट. दिवस तीन शिवाजी महाराजांचे जन्मस्थान असलेला शिवनेरी किल्ला आणि भीमाशंकर ज्योतिर्लिंग मंदिराला भेट, रात्री पुण्यात परत. दिवस चार साताराजवळील प्रतापगड किल्ल्याला भेट, नंतर कोल्हापूरकडे प्रस्थान. दिवस पाच कोल्हापूरमधील महालक्ष्मी मंदिर आणि पन्हाळा किल्ल्याला भेट, संध्याकाळी मुंबईकडे परत. दिवस सहा मुंबईत आगमन, यात्रेचा समारोप.

प्रवास श्रेणी आणि शुल्क:

इकॉनॉमी स्लीपर क्लास तेरा हजार एकशे पंचावन्न रुपये. कम्फर्ट ३ AC चे एकोणीस हजार आठशे चाळीस रुपये तर, सुपीरियर २ AC चे सत्तावीस हजार तीनशे पासष्ठ रुपये. या शुल्कामध्ये ट्रेन प्रवास, हॉटेलमध्ये निवास, शाकाहारी जेवण, स्थानिक प्रवास, मार्गदर्शक, प्रवेश शुल्क, प्रवास विमा आणि सुरक्षा व्यवस्था यांचा समावेश आहे.