पाकिस्तानातील आर्थिक संकटाच्या पार्श्वभूमीवर जागतिक बँकेने नुकताच सादर केलेला अहवाल चिंतेची घंटा ठरतो आहे. या अहवालानुसार, पाकिस्तानातील सुमारे पंचेचाळीस टक्के लोकसंख्या दारिद्र्यरेषेखाली राहत आहे. विशेष म्हणजे यातील सोलाशे टक्क्यांहून अधिक लोक अतिशय गंभीर गरिबीच्या स्थितीत आहेत. या परिस्थितीमुळे देशात अन्नसुरक्षिततेचा प्रश्न अधिक गंभीर झाला आहे.
पाकिस्तानमध्ये दोन हजार चोविस पंचवीस या आर्थिक वर्षात सुमारे एकोणवीस लाख नवीन लोक गरिबीत ढकलले जाण्याची शक्यता जागतिक बँकेने व्यक्त केली आहे. देशाची आर्थिक वाढ दर सध्या केवळ दोन पूर्णांक सहा टक्के आहे, जो गरिबी कमी करण्यासाठी अत्यंत अपुरा आहे. दरम्यान, लोकसंख्येचा वाढीचा दरही वर्षाला सुमारे दोन टक्के आहे, ज्यामुळे रोजगार आणि अन्नसुरक्षेच्या समस्या अधिक वाढत आहेत.
या परिस्थितीमागे शेतीतील मोठा घटक आहे. दोन हजार पंचवीस मध्ये पाकिस्तानात चाळीस टक्क्यांपेक्षा कमी पाऊस झाल्याने कृषी उत्पादन मोठ्या प्रमाणात घटले. कापसाचे उत्पादन सुमारे एकोणतीस पूर्णांक सहा टक्क्यांनी, तर भाताचे उत्पादन एक पूर्णांक दोन टक्क्यांनी घटले. यामुळे देशातील ग्रामीण भागात उत्पन्नावर मोठा परिणाम झाला असून अन्नधान्याची उपलब्धताही कमी झाली आहे. जागतिक बँकेने पाकिस्तानला त्वरित धोरणात्मक निर्णय घेण्याची आणि गरीब जनतेसाठी आधार योजना वाढवण्याची गरज व्यक्त केली आहे.
