शियाने युक्रेनवर पुन्हा एकदा जोरदार हवाई हल्ला चढवला असून, कीव, खारकीव्ह, ओडेसा आणि लव्हिव्ह यांसारख्या शहरांमध्ये मिसाइल आणि ड्रोनद्वारे तुफान बॉम्बवर्षाव करण्यात आला. या हल्ल्यात किमान ३० हून अधिक हवाई हल्ल्यांची नोंद झाली असून, युक्रेनच्या हवाबंद संरक्षण यंत्रणेने काही क्षेपणास्त्रे अडवली तरी काही ठिकाणी मोठे नुकसान झाले आहे.
कीवमध्ये एका ऊर्जा प्रकल्पावर झालेल्या हल्ल्यामुळे संपूर्ण शहराचा वीजपुरवठा खंडित झाला आहे. तसेच, खारकीव्हमध्ये निवासी इमारतींवर झालेल्या स्फोटांमुळे किमान १५ नागरिक जखमी झाले असून, त्यातील काहींची स्थिती गंभीर आहे. ओडेसा बंदर परिसरातही मोठ्या स्फोटांचा आवाज ऐकू आला असून, गोदामांमध्ये आग लागल्याची माहिती समोर आली आहे.
युक्रेनचे राष्ट्राध्यक्ष वोलोडिमीर झेलेन्स्की यांनी या हल्ल्यांचा तीव्र निषेध करत रशिया हे “मानवतेच्या विरोधात युद्ध करत आहे” असे म्हटले आहे. युक्रेनकडून प्रतिउत्तराची तयारी सुरू करण्यात आली आहे. अमेरिका, युरोपियन युनियन आणि संयुक्त राष्ट्रसंघाने रशियाच्या या कारवाईचा निषेध केला आहे. या हल्ल्यामुळे युक्रेन-रशिया संघर्ष अधिक उग्र होण्याची शक्यता निर्माण झाली आहे. नागरिकांमध्ये भीतीचं वातावरण आहे आणि बंकरमध्ये आसरा घेण्याची वेळ आली आहे.
