गुजरात सरकारने ‘ऑपरेशन सिंदूर’च्या यशाच्या स्मरणार्थ कच्छ जिल्ह्यात ‘सिंदूर वन’ या स्मारक उद्यानाची उभारणी करण्याची घोषणा केली आहे. हे उद्यान भुजजवळील मिर्झापूर गावात, भारत-पाकिस्तान सीमेजवळील आठ हेक्टर क्षेत्रात विकसित केले जाणार आहे .
‘सिंदूर वन’ हे उच्च घनतेच्या वृक्षारोपणाचे ‘वन कवच’ म्हणून ओळखले जाईल, ज्यात सुमारे ऐंशी हजार झाडे, झुडुपे आणि औषधी वनस्पतींचा समावेश असेल. या उद्यानात भारतीय लष्कर, नौदल, हवाई दल आणि सीमा सुरक्षा दल यांना समर्पित विभाग असतील, ज्यात आयएनएस विक्रांत, S-400 क्षेपणास्त्र प्रणाली आणि ड्रोन यांसारख्या संरक्षण उपकरणांची भित्तिचित्रे आणि मॉडेल्स प्रदर्शित केली जातील .
उद्यानात जम्मू-काश्मीरमधील पहलगाम येथे दिनांक २२ एप्रिल २०२५ रोजी झालेल्या दहशतवादी हल्ल्यातील बळींना समर्पित एक विशेष विभागही असेल, ज्यात गुजरातमधील तिघांचा समावेश होता. या उद्यानाच्या उभारणीसाठी प्रारंभिक काम सुरू झाले असून, अंदाजे दीड वर्षात ते पूर्ण होण्याची अपेक्षा आहे. ‘सिंदूर वन’ हे केवळ लष्करी शौर्याचे प्रतीक नसून, पर्यावरण संरक्षणाचा संदेश देणारे आणि नागरिकांमध्ये देशभक्तीची भावना जागृत करणारे स्मारक ठरेल.
