युक्रेनला अमेरिकेचा शस्त्र परवाना

रशिया-युक्रेन युद्ध गेल्या अनेक महिन्यांपासून सुरू आहे. रशियाकडून होणाऱ्या बॅलिस्टिक आणि हायपरसॉनिक क्षेपणास्त्र हल्ल्यांना हवेतच नष्ट करण्यासाठी युक्रेनकडे पेट्रियट ही एकमेव प्रभावी यंत्रणा आहे. या यंत्रणेची निर्मिती अत्यंत क्लिष्ट असून त्यासाठी कालावधी लागतो. युक्रेनकडे क्षेपणास्त्रांचा साठा संपत आल्याने त्यांनी अमेरिकेकडे वारंवार मदतीची मागणी केली होती. ट्रम्प यांनी अध्यक्षपदाची धुरा सांभाळल्यापासून या युद्धावर तोडगा काढण्यासाठी प्रयत्न सुरू केले आहेत. रशियाचे अध्यक्ष व्लादिमीर पुतिन आणि युक्रेनचे अध्यक्ष झेलेन्स्की यांच्याशी चर्चा करून शांतता करार घडवून आणण्याचा ट्रम्प यांचा मानस आहे. या परवाना करारामुळे युक्रेनला भविष्यात स्वयंपूर्ण होण्यास मदत होणार असून पाश्चात्त्य देशांवरील त्यांचे अवलंबित्व कमी होणार आहे. पुढील काळात या परवान्यांतर्गत कोणत्या प्रकारच्या क्षेपणास्त्रांचे तंत्रज्ञान हस्तांतरित केले जाईल यावर दोन्ही देशांच्या संरक्षण मंत्रालयांमध्ये सविस्तर चर्चा होणार आहे.