भारताने नवीकरणीय ऊर्जा क्षेत्रात ऐतिहासिक झेप घेतली असून, २०३० पर्यंतचे पन्नास टक्के हरित ऊर्जा उत्पादनाचे उद्दिष्ट केंद्र सरकारने पाच वर्षे आधीच पूर्ण केल्याची अधिकृत घोषणा करण्यात आली आहे. या उल्लेखनीय यशामुळे भारत जगातील अग्रगण्य हरित ऊर्जा उत्पादक देशांच्या यादीत समाविष्ट झाला आहे.
पंतप्रधान नरेंद्र मोदी यांनी या कामगिरीबद्दल समाधान व्यक्त करत म्हटले की, “ही केवळ आकडेवारी नाही, तर भारताच्या पर्यावरणप्रेमी दृष्टिकोनाचे जिवंत उदाहरण आहे. ही कामगिरी संपूर्ण जगासाठी मार्गदर्शक ठरेल.”
भारताच्या एकूण उर्जेच्या वापरातील पन्नास टक्क्यांहून अधिक ऊर्जा आता सौर, पवन, जलविद्युत आणि जैवऊर्जेच्या स्रोतांतून मिळत आहे. हे उद्दिष्ट २०३० साठी निर्धारित करण्यात आले होते, मात्र २०२५ मध्येच भारताने ते गाठले आहे. देशभरात सौर उर्जा प्रकल्प, पवनचक्की उद्यानं, जलविद्युत प्रकल्प आणि बायोमास यंत्रणा मोठ्या प्रमाणात उभारण्यात आल्या.
भारताचे हे यश पॅरिस हवामान करारातील वचनबद्धतेच्या पूर्ततेकडे एक मोठे पाऊल मानले जात आहे. जागतिक गुंतवणूकदार, पर्यावरण संघटना आणि तंत्रज्ञान क्षेत्र भारताकडे सकारात्मक दृष्टिकोनातून पाहत आहेत. भारताची हरित अर्थव्यवस्था आता जागतिक चर्चेचा केंद्रबिंदू बनत आहे. भारताने मिळवलेले हे यश केवळ ऊर्जाक्षेत्रापुरते मर्यादित नसून, पर्यावरण रक्षण, आर्थिक विकास आणि जागतिक नेतृत्व यांची त्रिसूत्री पूर्ण करणारे ठरले आहे. जगभरात भारताची ‘हरित महाशक्ती’ म्हणून ओळख अधिक मजबूत झाली आहे.
