नोकरी करणाऱ्या जोडप्यांना वैयक्तिक आणि व्यावसायिक जीवनात योग्य संतुलन राखता येत नाही. यामुळे कोणतीही गोष्ट सर्वोत्तम करण्याचा प्रयत्न करूनही ती करू शकत नाहीत. ही गोष्ट तणाव वाढवण्याचे काम करते. नोकरी करताना नात्यात संतुलन राखणे इतकेही अवघड नाही. काही गोष्टींकडे लक्ष देऊन तुम्ही तुमचे काम आणि नातेसंबंध यांच्यात सहज सामंजस्य राखू शकता. जर आपण वैयक्तिक आयुष्य किंवा करिअरशी संबंधित एखादा महत्त्वाचा निर्णय घेणार असाल तर त्याबाबत तुमच्या जोडीदाराशीही चर्चा करा. अनेक वेळा या निर्णयांचा जोडीदारावरही परिणाम होतो. उदाहरणार्थ, तुम्ही तुमची नोकरी सोडण्याचा किंवा बदलण्याचा विचार करत असाल तर एकत्र बसून त्याबद्दल विचार करा. तुम्ही दोघेही नोकरी करत असाल तर नात्यात आनंद आणि शांती टिकवण्यासाठी घरातील जबाबदाऱ्या तुमच्यात वाटून घ्या. सकाळ-संध्याकाळची कामे, मुलांना शाळेत सोडणे, स्वयंपाक करणे इत्यादी जबाबदाऱ्या केवळ एका व्यक्तीच्या खांद्यावर असू नयेत. त्यामुळे नात्यात भांडणे होतच असतात.
अर्थात, खूप काम करून कार्यालयात आल्यावर थोडा वेळ शांत बसावेसे वाटते. घरी गेल्यावर तुम्ही दोघे एकत्र बसून ही शांतता मिळवू शकता. एकत्र बसल्यावर कार्यालयीन विषय बाजूला ठेवा. असे विषय समोर आणा, ज्यात दोघेही सहभागी होऊ शकता. वीकेंडला बाहेर जा किंवा चित्रपट पहा. दुपारचे जेवण शक्य नसते. रात्रीचे जेवण एकत्र बसून घ्या. या उपक्रमांमुळे तुमचा आठवड्यातील तणाव दूर होतो. नाते अधिक घट्ट होते. जर तुम्ही दोघेही काम करत असाल तर अशा अपेक्षा ठेवू नका, ज्या पूर्ण न केल्यास मन दुखेल आणि राग येईल. कार्यालयामधील कामाचा ताण आणि घरी येताच जोडीदाराच्या तक्रारी असल्यास काही वेळा तणाव इतका वाढतो की, तुमच्या नात्यात दुरावा येऊ लागतो. व्हॅलेंटाईन डे योग्य पद्धतीने साजरा करणे, वर्षातून एकदा परदेशात सहलीला जाणे यासारख्या अपेक्षा पूर्ण करण्यासाठी वेळ असायला हवा, ज्याचा कदाचित तुम्हा दोघांमध्येही अभाव आहे. त्यामुळे परस्परांना समजून घ्या. सुखी रहा.
