उन्हाळा सुरू झाल्याने कडक उन्हात घराबाहेर पडणेही कठीण झाले आहे. तथापि, ही फक्त सुरुवात आहे. भारतीय हवामानशास्त्र विभागाने दिलेल्या माहितीनुसार, पुढील तीन महिन्यांत म्हणजे एप्रिल ते जून या काळात तीव्र उष्णता असणार आहे. उष्णतेच्या लाटेमुळे अनेक समस्यांना तोंड द्यावे लागते. उष्माघात आणि गंभीर प्रकरणांमध्ये मृत्यू देखील होऊ शकतो. स्वत:ला निरोगी ठेवण्यासाठी उष्णतेच्या लाटेपासून स्वतःचे संरक्षण करणे महत्वाचे आहे. हे टाळण्यासाठी काही खबरदारी घेणे आवश्यक आहे. आहाराची विशेष काळजी घेणे आवश्यक आहे. उन्हाळ्यात काही देशी पेयांचा आहारात समावेश करून आपण उष्णतेपासून बचाव करु शकतो. जीवनसत्व ‘सी’ समृद्ध लिंबू पाणी उन्हाळ्यात खूप उपयोगी आहे. ताजेतवाने राहण्यासाठी आणि उष्णतेपासून वाचण्यासाठी लिंबूपाणी कधीही चांगले. लिंबूपाण्यामुळे ऊन आणि उष्णतेपासून संरक्षण करण्यासोबतच हृदयविकार, मधुमेह, कर्करोग आणि लठ्ठपणा यासारख्या आरोग्य समस्यांपासूनही संरक्षण मिळते. संशोधनानुसार, दररोज लिंबू पाणी प्यायल्याने वजन कमी होण्यास, मानसिक आरोग्य, पचनशक्ती आणि ऊर्जा पातळी राखण्यास मदत होते. उन्हाळा आला की सर्वत्र उसाचा रस उपलब्ध होतो.
या हंगामात लोक ते मोठ्या उत्साहाने पितात. या देशी पेयाचे अनेक फायदे आहेत. त्यात ग्लुकोज आणि इलेक्ट्रोलाइट्स असतात. ते शरीर थंड ठेवण्यास मदत करतात. आपल्याला दिवसभर ऊर्जा देतात. मधुमेहाच्या रुग्णांसाठीही हे सुरक्षित आहे, कारण त्यात साखरेपेक्षा कमी ग्लायसेमिक इंडेक्स आहे. याशिवाय ते किडनी, पचनसंस्था आणि त्वचा देखील निरोगी बनवते. ताक हे भारतातील अतिशय लोकप्रिय पेय आहे. उन्हाळ्यात हे सर्वोत्तम मानले जाते, कारण ते संपूर्ण हंगामात जलसंपृक्त ठेवते. ताक हे कॅल्शियमने समृद्ध असलेले दुग्धजन्य पेय आहे, जे आपली हाडे मजबूत ठेवते. त्यात पाणी, लॅक्टोज, केसीन आणि लॅक्टिक ॲसिड देखील असते, जे आतड्यातील खराब बॅक्टेरियाच्या वाढीस प्रतिबंध करते.
बार्ली आणि हरभरा यांसारख्या धान्यांपासून तयार केलेले सत्तू हे विशेषतः उन्हाळ्यात आढळते. याला देशभरात पसंती मिळत असली तरी बिहारमध्ये ती अधिक लोकप्रिय आहे. बार्ली आणि हरभरा यांसारख्या धान्यांपासून ते तयार केले जाते. हे शरीराला थंड ठेवण्यास मदत करते. इतर पेयांपेक्षा अधिक पौष्टिक देखील आहे. नारळाच्या पाण्यानेही उष्णतेवर मात करता येते. हे चवदार असण्यासोबतच आरोग्यासाठीही खूप फायदेशीर आहे. हे एक नैसर्गिक पेय आहे, जे शरीरातील पाण्याची कमतरता दूर करते. एवढेच नाही, तर थकवा दूर करण्यास मदत होते.
