सुझुकीने भारतात आपली नवीन बाईक आणली आहे. ‘सुझुकी व्ही-स्टॉर्म 800 डीई’ भारतीय बाजारपेठेत दाखल झाली आहे. या बाईकमध्ये 776 सीसी इंजिन आहे. सुझुकीने आपली बाईक स्टील फ्रेमसह डिझाइन केली आहे. इंधन टाकीची क्षमता 20-लिटर आहे. ही बाईक होंडा आणि ट्रायम्फच्या वाहनांशी स्पर्धा करते. ‘सुझुकी व्ही-स्टॉर्म 800 डीई’ ही एक उत्तम आणि पॉवरफूल बाईक आहे.
या बाईकमध्ये नवीन लिक्विड-कूल्ड, 776 सीसी, 270-क्रँक पॅरलल ट्विन इंजिन आहे. हे सुझुकी इंजिन 83.4 बीएचपी पॉवर जनरेट करते. 78 एनएम टॉर्क देखील देते. या नवीन मॉडेलमध्ये 6-स्पीड गिअर बॉक्स आहे. बायडायरेक्शनल क्विक शिफ्टर बाईकवर स्टँडर्ड स्वरूपात आहे. ‘सुझुकी व्ही-स्टॉर्म 800 डीई’ बाईकच्या इतर मॉडेल्सप्रमाणे स्टील फ्रेमने बनवलेले आहे. त्याची सबफ्रेम थोडी लांब आणि टफ बनविण्यात आली आहे. जेणेकरून मागील सीटवर जास्त भार वाहून नेला जाऊ शकतो. या बाईकच्या इंधन टाकीची क्षमता 20-लिटर ठेवण्यात आली आहे. या मोटरसायकलचे वजन 230 किलो आहे. या बाईकची सीट देखील इतर बाईकच्या तुलनेत थोडी लांब ठेवण्यात आली आहे.
