लडाखमधील लेह आणि आसपासच्या परिसरात गुरुवारी पहाटे भूकंपाचे धक्के जाणवले. राष्ट्रीय भूकंपशास्त्र केंद्रानुसार, या भूकंपाची तीव्रता रिश्टर स्केलवर चार पूर्णांक एक इतकी मोजली गेली आहे. पहाटेच्या वेळी जेव्हा नागरिक गाढ झोपेत होते, तेव्हा हे धक्के जाणवल्याने परिसरात काही काळ भीतीचे वातावरण निर्माण झाले होते. सुदैवाने, या घटनेत कोणतीही जीवितहानी किंवा मालमत्तेचे नुकसान झाल्याचे वृत्त नाही.
राष्ट्रीय भूकंपशास्त्र केंद्राने दिलेल्या माहितीनुसार, हा भूकंप तीस एप्रिल रोजी पहाटे तीन वाजून चोपन्न मिनिटांनी झाला. भूकंपाचा केंद्रबिंदू लेहपासून काही अंतरावर जमिनीच्या आत साधारण दीडशे किलोमीटर खोलीवर होता या भूकंपाची हालचाल झाली. शास्त्रोक्त भाषे याला मध्यम खोलीवरील भूकंप मानले जाते, कारण तो सत्तर ते तीनशे किमीच्या दरम्यान होता. पहाटेच्या शांततेत भूकंपाचे धक्के जाणवल्यामुळे लेह आणि लडाखमधील अनेक भागांतील नागरिक जागे झाले. उंच इमारतींमध्ये राहणाऱ्या लोकांना अधिक स्पष्टपणे हादरे जाणवले. मात्र, भूकंपाची तीव्रता मध्यम असल्याने आणि केंद्रबिंदू बराच खोल असल्याने कोणत्याही पडझडीच्या घटना समोर आलेल्या नाहीत. स्थानिक प्रशासनाने तातडीने परिस्थितीचा आढावा घेतला असून सर्व आपत्कालीन यंत्रणांना सतर्क राहण्याच्या सूचना दिल्या आहेत.
हिमालयीन पट्ट्यात असल्याने लडाख आणि जम्मू-काश्मीर हे भाग भूगर्भीय हालचालींच्या दृष्टीने अत्यंत संवेदनशील मानले जातात. भारतीय भूपट्ट ही युरेशियन प्लेटच्या दिशेने सरकत असल्यामुळे या भागात सतत दाब निर्माण होतो, ज्याचे रूपांतर भूकंपात होते. वैज्ञानिकांच्या मते, हा परिसर अत्यंत धोकादायक मानला जातो. भूकंपाची तीव्रता जितकी महत्त्वाची असते, तितकीच त्याची खोली महत्त्वाची ठरते. दीडशे किमी खोल झालेल्या भूकंपामुळे पृष्ठभागावर होणारे हादरे हे कमी विध्वंसक असतात. जर हाच भूकंप जमिनीच्या दहा ते वीस किमी खोलीवर झाला असता, तर चार पूर्णांक एक रिश्टर स्केलवरही हानी होऊ शकली असती. यापूर्वीही लडाखमध्ये अशा प्रकारचे अनेक सौम्य धक्के बसले आहेत, ज्यामुळे परिसरातील भूगर्भीय तणाव वेळोवेळी मुक्त होत असतो. प्रशासनाने नागरिकांना आवाहन केले आहे की, अशा वेळी घाबरून न जाता संयम ठेवावा. भूकंप झाल्यास घराबाहेर मोकळ्या जागी जावे. लेहमधील जनजीवन सध्या पूर्वपदावर असून, प्रशासकीय अधिकारी आणि आपत्कालीन प्रतिसाद पथके परिस्थितीवर बारकाईने लक्ष ठेवून आहेत. अशा नैसर्गिक आपत्तींच्या वेळी सोशल मीडियावरील अफवांवर विश्वास न ठेवता अधिकृत माहितीकडे लक्ष देण्याचे आवाहनही करण्यात आले आहे.