जीवशास्त्रीय वर्गीकरणात क्रम असा असतो: कुळ (Family) → वंश (Genus) → प्रजाती (Species). दरवर्षी जगभरात हजारो नवीन ‘प्रजाती’ सापडतात, पण नवीन ‘वंश’ सापडणे फार दुर्मिळ असते कारण त्यासाठी संबंधित जीव आधीच्या सर्व ज्ञात वंशांपेक्षा शारीरिक व जनुकीय दृष्ट्या लक्षणीयरीत्या वेगळा असावा लागतो. एक वंश अनेक प्रजातींना सामावून घेऊ शकतो — उदाहरणार्थ मानव वंश (Homo) मध्ये पूर्वी अनेक प्रजाती होत्या. नवीन वंशाचा शोध म्हणजे त्या जीवसमूहाचा उत्क्रांतीचा संपूर्ण नवा फाटा सापडणे, जे वैज्ञानिक दृष्ट्या अत्यंत मोलाचे मानले जाते.