वृंदावनमधील प्रेम मंदिर हे जगद्गुरू कृपालु महाराज यांनी २००१ ते २०१२ या काळात बांधलेले अत्यंत भव्य संगमरवरी मंदिर आहे. राजस्थानच्या बंशी पहाडपूर येथून आणलेल्या इटालियन संगमरवरातून हे मंदिर साकारले असून यात राधा-कृष्ण व सीता-राम यांच्या मूर्ती आहेत. मंदिराची उंची १२५ फूट असून त्याला ‘तीर्थराज प्रेम मंदिर’ असेही म्हटले जाते. रात्री होणारी रंगीबेरंगी विद्युतरोषणाई व कृष्णलीलांचे संगीतमय कारंजे शो यासाठी हे मंदिर जगभर प्रसिद्ध आहे. दगडूशेठ गणपती मंडळ दरवर्षी अशा प्रसिद्ध मंदिरांच्या प्रतिकृती साकारून भाविकांना त्या स्थळाचा थेट अनुभव देण्याची परंपरा जपते.