कृषी क्षेत्रातील एआय म्हणजे उपग्रह, ड्रोन, माती संवेदक आणि हवामान यंत्रणांकडून जमा होणाऱ्या प्रचंड डेटाचे विश्लेषण करून शेतकऱ्यांना अचूक सल्ला देणारी स्वयंचलित प्रणाली. जगभरात ‘अचूक शेती’ म्हणून ओळखल्या जाणाऱ्या या तंत्रज्ञानामुळे खते व कीटकनाशकांचा अनावश्यक वापर कमी होतो, सिंचनाचे नियोजन सुधारते आणि पिकांचे नुकसान रोखता येते. इस्रायल, नेदरलँड्स आणि अमेरिकेत हे तंत्रज्ञान आधीच मोठ्या प्रमाणावर वापरले जात आहे. भारतात आणि विविध राज्य सरकारे याचे प्रयोग करत असून महाराष्ट्राचे हे धोरण देशातील सर्वात मोठ्या राज्यस्तरीय एआय कृषी उपक्रमांपैकी एक ठरण्याची शक्यता आहे.