स्वतंत्र बातमी

पुणे शहराचा वेगाने होणारा विस्तार आणि वाढती वाहतूक कोंडी लक्षात घेता पुरंदर विमानतळ आणि दिवे घाट भुयारी मार्ग हे प्रकल्प गेमचेंजर ठरणार आहेत. अवघ्या सहा महिन्यांत ५० टक्के भूसंपादन पूर्ण करणे ही प्रशासकीय तत्परतेची जमेची बाजू आहे. केवळ प्रकल्प घोषित न करता ते वेळेत पूर्ण करणे हे मोठे आव्हान आहे. दिवे घाटातील भुयारी मार्ग आणि मेट्रोच्या जोडणीमुळे प्रवाशांचा वेळ वाचेल. केंद्रीय मंत्री नितीन गडकरी यांनी सुचविल्याप्रमाणे पुरंदर परिसरात ‘नवे पुणे’ उभारल्यास मूळ शहरावरील ताण कमी होऊ शकतो. पर्यावरणपूरक विकास आणि वेळेत अंमलबजावणी झाल्यास हे प्रकल्प पुण्याच्या विकासाला नवीन उंचीवर नेतील.