अफगाणिस्तानात भीषण महापूर

अफगाणिस्तान हे राष्ट्र सातत्याने नैसर्गिक आपत्तींचा सामना करत आले आहे. या वर्षाच्या सुरुवातीला देशातील विविध भागात आलेल्या पुरामुळे आणि भूस्खलनामुळे ११० हून अधिक नागरिकांचा मृत्यू झाला होता. सन २०२४ मध्ये वसंत ऋतूत आलेल्या महापुरात ३०० हून अधिक नागरिकांना प्राण गमवावे लागले होते. दशकांपासून सुरू असलेला संघर्ष, ढासळलेली पायाभूत रचना, आर्थिक मंदी, जंगलांची तोड आणि हवामान बदल या कारणांमुळे नैसर्गिक आपत्तींचा प्रभाव वाढला आहे. ग्रामीण भागातील बहुतांश घरे मातीची बनवलेली आहेत. मुसळधार पाऊस किंवा हिमवृष्टीचा सामना करण्याची क्षमता या घरांमध्ये नसते. परिणामी दरवर्षी पूरपरिस्थितीत मोठ्या प्रमाणावर जीवितहानी होते.