नाशिकमध्ये गोदावरीला महापूर

नाशिक शहरात गोदावरी नदीची पूररेषा ठरवण्यासाठी रामकुंडातील दुतोंड्या मारुतीची मूर्ती हे पारंपरिक मानचिन्ह मानले जाते. यापूर्वी सप्टेंबर २०१९ मध्ये गोदावरीला असा पूर येऊन मारुतीची मूर्ती पाण्याखाली गेली होती. गेल्या सात वर्षांत एवढा पाऊस व विसर्ग झाला नव्हता. अहिल्याबाई होळकर पुलाखालून १९,५०० क्युसेक पाण्याचा विसर्ग सुरू असताना पाणी मारुती दैवताच्या गळ्यापर्यंत पोहोचते. विसर्ग २७ हजार क्युसेकच्या पुढे गेल्यास संपूर्ण मूर्ती जलमय होते. हवामान विभागाने पुढील तीन दिवस मध्यम पावसाचा आणि शनिवारी पिवळा इशारा जारी केला आहे. पाटबंधारे विभाग धरण क्षेत्रातील जलसाठ्यावर बारीक लक्ष ठेवून आहे. महापालिका आणि आपत्कालीन यंत्रणांनी नदीकाठच्या रहिवाशांना सुरक्षित राहण्याच्या सूचना दिल्या आहेत. बाधित भागात स्वच्छता मोहीम राबवून पाणी उपसण्याचे काम सुरू आहे.