चीनच्या आक्षेपानंतर निर्यातीचे नियम कडक

चीनने भारतीय तांदळाचे शिपमेंट्स नाकारणे ही केवळ एका देशापुरती मर्यादित समस्या नसून, भारताच्या जागतिक कृषी व्यापार नीतीसाठी एक मोठी चेतावणी आहे. भारत जगाचे पोट भरण्याची क्षमता ठेवतो, परंतु आंतरराष्ट्रीय बाजारपेठ आता केवळ ‘उत्पादनावर’ नाही तर ‘गुणवत्ता आणि शुद्धतेवर’ चालते, हे या घटनेवरून अधोरेखित झाले आहे. चीनच्या या भूमिकेमागे व्यापारी राजकारण असू शकते, परंतु आपल्या यंत्रणेतील त्रुटी दूर करणे हे आपलेच कर्तव्य आहे. अपेडाने लागू केलेले नवीन नियम स्वागतार्ह आहेत. शासनाने केवळ कागदोपत्री नियम न ठेवता, तळागाळातील शेतकऱ्यांपर्यंत शुद्ध बियाणे पोहोचवणे आणि प्रयोगशाळांची जाळे मजबूत करून भारताची ‘१००% शुद्ध’ ही जागतिक ओळख टिकवणे काळाची गरज आहे.