स्वतंत्र बातमी

राष्ट्रीय हातमाग दिन आणि स्वदेशी चळवळीचा वारसा
दिनांक ७ ऑगस्ट हा दिवस भारतीय इतिहासात क्रांतीची मशाल पेटवणारा दिवस ठरला. दिनांक ७ ऑगस्ट १९०५ रोजी कोलकाता येथील टाऊन हॉलमध्ये पार पडलेल्या ऐतिहासिक सभेत ब्रिटिश मालावर बहिष्कार टाकून ‘स्वदेशी चळवळ’ सुरू करण्याची अधिकृत घोषणा झाली. या चळवळीने स्वातंत्र्यलढ्याला केवळ राजकीयच नव्हे, तर आर्थिक दिशाही दिली. भारताच्या या ऐतिहासिक आर्थिक लढ्याचे प्रतीक म्हणून आणि देशातील कोट्यवधी हातमाग विणकरांच्या सन्मानार्थ केंद्र सरकारने २०१५ पासून ‘दिनांक ७ ऑगस्ट’ हा दिवस ‘राष्ट्रीय हातमाग दिन’ म्हणून साजरा करण्यास सुरुवात केली.

हातमाग उद्योग हा भारताच्या सांस्कृतिक वारशाचा एक अनमोल हिस्सा आहे. हा उद्योग शेतीनंतर ग्रामीण भागात सर्वाधिक रोजगार देणारा क्षेत्र आहे. विणकरांच्या कलेचे जतन करणे आणि त्यांच्या आर्थिक सक्षमीकरणाला चालना देणे हा या दिवसाचा मुख्य उद्देश आहे.

स्वदेशीचे विचार आणि आत्मनिर्भरतेचा संदेश घराघरात पोहोचवण्यासाठी हा दिवस आजही तितकाच प्रेरक ठरतो.