मालव्य राजयोग म्हणजे काय?

वैदिक ज्योतिषशास्त्रात ‘मालव्य राजयोग’ हा अत्यंत शुभ आणि शक्तिशाली योग मानला जातो. हा योग पंचमहापुरुष योगांपैकी एक आहे. जेव्हा कुंडलीत शुक्र ग्रह स्वतःच्या राशीत (वृषभ किंवा तूळ) अथवा स्वतःच्या उच्च राशीत (मीन) बलवान होऊन केंद्र स्थानात (पहिल्या, चौथ्या, सातव्या किंवा दहाव्या घरात) विराजमान असतो, तेव्हा मालव्य राजयोगाची निर्मिती होते. शुक्र हा प्रेम, सौंदर्य, कला, संपत्ती, भौतिक सुख आणि वैवाहिक जीवनाचा कारक ग्रह आहे. मालव्य योग कुंडलीत असल्यास संबंधित व्यक्तीला जीवनात सर्व प्रकारची भौतिक सुखे सहज प्राप्त होतात. अशा व्यक्तींचे व्यक्तिमत्त्व अत्यंत आकर्षक असते. त्यांना कला क्षेत्रात मोठे यश मिळते. समाजमान्यता, उत्तम वाहन सुख आणि ऐश्वर्य देणारा हा योग मानला जातो. हा योग व्यक्तीला सुखी आणि समाधानी जीवन जगण्याची ताकद देतो.