स्वतंत्र बातमी

जळगाव : देशातील बेरोजगार तरुणांसाठी भारतीय रेल्वेने रोजगाराची संधी उपलब्ध करून दिली आहे. रेल्वे भरती बोर्डाने सहाय्यक लोको पायलट’ या पदासाठी तब्बल अकरा हजार सत्तावीस जागांची भरती जाहीर केली आहे. या भरती प्रक्रियेत सहभागी होण्यासाठी दहावी उत्तीर्ण उमेदवारांनाही संधी मिळणार असल्याने ग्रामीण भागातील तरुणांमध्ये उत्साहाचे वातावरण आहे. या भरतीसाठी १५ मे २०२६ पासून ऑनलाइन अर्ज प्रक्रिया सुरू होणार आहे.

पदाची जबाबदारी व वेतनमान

सहाय्यक लोको पायलट हे पद रेल्वेच्या दैनंदिन कामकाजात अत्यंत महत्त्वाचे असते. इंजिन चालकाला सहाय्य करणे, सिग्नल व तांत्रिक बाबींवर लक्ष ठेवणे, तसेच सुरक्षित आणि वेळेवर रेल्वे धावण्यास मदत करणे ही या पदाची प्रमुख जबाबदारी आहे. निवड झालेल्या उमेदवारांना प्रारंभी एकोणवीस हजार नऊशे रुपये मूलभूत वेतन दिले जाणार आहे. याशिवाय महागाई भत्ता, घरभाडे भत्ता, प्रवास सवलती, वैद्यकीय सुविधा आणि इतर शासकीय लाभ मिळणार आहेत.

अर्जाची शर्ती व अंतिम मुदत

या पदासाठी अर्ज करणाऱ्या उमेदवाराचे वय अठरा ते तीस वर्षांच्या दरम्यान असावे. शैक्षणिक पात्रतेसाठी दहावी उत्तीर्ण असण्यासोबतच संबंधित ट्रेडमधील आयटीआय किंवा समकक्ष तांत्रिक पदविका असणे बंधनकारक आहे. शासन नियमांनुसार अनुसूचित जाती, जमाती, इतर मागासवर्गीय, महिला आणि दिव्यांग उमेदवारांना वयोमर्यादेत सवलत देण्यात आली आहे. अर्ज करण्याची अंतिम मुदत १४ जून २०२६ पर्यंत आहे.

भरती प्रक्रिया आणि अर्ज शुल्क

इच्छुक उमेदवारांनी रेल्वेच्या अधिकृत संकेतस्थळावर indianrailways.gov.in जाऊन ऑनलाइन अर्ज भरायचा आहे. खुल्या आणि ओबीसी प्रवर्गासाठी पाचशे रुपये शुल्क असून, राखीव प्रवर्ग आणि महिलांसाठी दोनशे पन्नास रुपये शुल्क निश्चित केले आहे. भरती प्रक्रियेमध्ये संगणक आधारित परीक्षा , तांत्रिक चाचणी, कागदपत्र पडताळणी आणि वैद्यकीय तपासणी अशा विविध टप्प्यांचा समावेश असेल.

हॅशटॅग: #रेल्वेभरती #सहाय्यलोकोपायलट #नोकरीसंधी #सरकारीभरती #ग्रामीणरोजगार #RailwayRecruitment #AssistantLocoPilot #GovernmentJobs #RRBRecruitment #LocoJob