📸 छायाचित्रकार | छायाचित्रणकार

📋 प्रमुख जबाबदारी

घटना, कार्यक्रम, बातम्या, मुलाखती व सामाजिक उपक्रमांचे दर्जेदार व आवश्यक क्षण टिपून दृश्य माध्यमात रूपांतरीत करणे, ही प्रमुख जबाबदारी.

🗂 कामाचे स्वरूप

🎓 छायाचित्रणामधील पदवी

📍 घरुन | मुंबई | आवशक्तेनुसार

💰 मानधन | मासिक वेतन

📌 आवश्यक कौशल्ये

DSLR | मिररलेस कॅमेरा हाताळणी

प्रकाश व्यवस्थापन व संयोजन

फ्रेमिंग व रचना जाण

थेट वार्तांकनामध्ये गतीशीलता

फोटो एडिटिंग व रिटचिंग

वेगाने निर्णय घेण्याची क्षमता

संघकार्य व व्यावसायिक वर्तन

💻 आवश्यक यंत्रणा

व्यावसायिक DSLR | Mirrorless कॅमेरा

वेगवान SD कार्ड्स | बॅकअप

उच्च दर्जाचा व्यावसायीक लॅपटॉप

Lightroom | Photoshop | एडिटिंग सॉफ्टवेअर

फ्लॅश व लाइटिंग उपकरणे

मायक्रोफोन

इंटरनेट व मोबाइल कम्युनिकेशन

🏅 पात्रता

मराठी भाषा, मराठी माणूस व मराठी मुलुखाचा जाज्वल्य अभिमान

पत्रकारितेचा उपयोग मराठी समाजासाठी करण्याची तळमळ

गरजू व दुर्बळांबद्दल सक्रिय आत्मीयता

समाजाप्रती असलेल्या दायित्वाची जाणीव

प्रामाणिक । नम्र । वक्तशीर । कामसू । कार्यनिष्ठ

सतत शिकण्याची जिज्ञासा आणि तांत्रिक प्रगतीची तयारी

संघकार्य आणि नेतृत्व यांचा समतोल साधण्याची क्षमता

कामाचे दिवस

आठवड्याचे पूर्ण सात दिवस काम

प्रत्येकाला आवर्तनाने एक दिवस साप्ताहिक सुट्टी

वेळा

साधारण सत्र सकाळी 9:00 ते सायं. 6:00

● पंधरा मिनिटांच्या चहाच्या दोन सुट्टया

● अर्ध्या तासाची एक जेवणाची सुट्टी

सकाळचे पूर्ण सत्र : सकाळी 6:00 ते दुपारी 3:00

● पंधरा मिनिटांची चहाची एक सुट्टी

● अर्ध्या तासाची जेवणाची एक सुट्टी

सकाळचे अर्ध सत्र : सकाळी 6:00 ते सकाळी 11:00

● पंधरा मिनिटांची चहाची एक सुट्टी

दुपारचे पूर्ण सत्र : दुपारी 3:00 ते रात्री 12:00

● पंधरा मिनिटांची चहाची एक सुट्टी

● अर्ध्या तासाची एक जेवणाची सुट्टी

दुपारचे अर्ध सत्र : दुपारी 3:00 ते रात्री 8:00

● पंधरा मिनिटांची चहाची एक सुट्टी

● अर्ध्या तासाची जेवणाची एक सुट्टी

सुट्ट्या : 2026

जानेवारी

सोमवार, दि. 26 जानेवारी : प्रजासत्ताक दिन

मार्च

मंगळवार, दि. 3 मार्च : धूलिवंदन

ऑगस्ट

शनिवार, दि. 15 ऑगस्ट : स्वातंत्र्य दिन

शुक्रवार, दि. 28 ऑगस्ट : रक्षाबंधन | दूपारनंतर अर्धा दिवस

सप्टेंबर

सोमवार, दि. 14 सप्टेंबर : श्री गणेश चतुर्थी

शुक्रवार, दि. 25 सप्टेंबर : अनंत चतुर्दशी

ऑक्टोबर

मंगळवार, दि. 20 ऑक्टोबर : विजयादशमी, दसरा

नोव्हेंबर

मंगळवार, दि. 10 नोव्हेंबर : दिपावली पाडवा

बुधवार, दि. 11 नोव्हेंबर : भाऊबीज | दूपारनंतर अर्धा दिवस

रजा

रजेवर जाण्यापूर्वी ती सात दिवस आधी मंजूर करून घेणे गरजेचे

आजारपण, अपघात, निधन या कारणांना या नियमातून काही अटींसह सूट

पहिल्या वर्षी पगारी रजा नाहीत

एक वर्ष पूर्ण झाल्यानंतर वर्षाला सहा पगारी रजा

मानधन । वेतन । देयके

प्रत्येक महिन्यातील एक ते तीस किंवा एकतीस तारखेपर्यंतचे मानधन, वेतन किंवा देयके पुढील महिन्याच्या दहा तारखेला अदा केली जातात.

मानधन, वेतन किंवा देयकांवर आगाऊ उचल देण्यात येत नाही.

करारावरील सेवा पुरवठादारांनी प्रत्येक महिन्याच्या एक तारखेस आपली देयके निर्धारीत दरानुसार, विहित नमुन्यात ईमेलवर पाठविणे गरजेचे आहे.

पाच तारखेनंतर आलेली देयके पुढील महिन्यात अदा केली जातात.

कार्यालयाने सोपविलेल्या कामाव्यतिरिक्त कामांची देयके आल्यास, ती अदा केली जात नाही.

नेमणूक आणि करार

प्राथमिक निवड आणि प्रशिक्षण कालावधी

प्राथमिक निवडीनंतर संपादकीय विभागातील प्रत्येक पदासाठी किमान दोन आठवड्यांचा विनावेतन पूर्णवेळ प्रशिक्षण कालावधी अनिवार्य आहे.

सेवा कालावधी

नेमणूक ही किमान एक वर्षासाठी राहील. आवश्यकतेनुसार कालावधी वाढवला किंवा कमी केला जाऊ शकतो.

सेवापुरवठा करार

नेमणुकीपूर्वी उमेदवाराने संस्थेशी लेखी सेवापुरवठा करार करणे बंधनकारक राहील.

गोपनियता करार (NDA – नॉन-डिस्क्लोजर)

संस्थेच्या अंतर्गत माहितीची गोपनीयता राखण्यासाठी उमेदवाराने गोपनियता करार करणे आवश्यक आहे.

स्पर्धा प्रतिबंध करार

करार संपल्यानंतर संबंधित क्षेत्रात स्पर्धात्मक स्वरूपाचा स्वतःचा व्यवसाय सुरू करणे किंवा त्यात भाग घेणे टाळावे लागेल.

बौद्धिक मालमत्तेचे हक्क

कार्यकाळात तयार होणाऱ्या साहित्य, संकल्पना, नमुने, डिझाईन व इतर बौद्धिक संपत्तीचे हक्क संस्था कडे राहतील.

कराराची पुनरावलोकन प्रक्रिया

दरवर्षी कार्यकामगिरीचा आढावा घेऊन करार नूतनीकरण किंवा समाप्ती करण्याचा अधिकार संस्थेकडे राखून ठेवला जातो.

तत्काल समाप्तीची अट

विश्वासघात, शिस्तभंग, गोपनियतेचे उल्लंघन यासारख्या गंभीर कारणांमुळे संस्था कोणतीही पूर्वसूचना न देता करार समाप्त करू शकते.

टीप

ही फक्त साधारण माहिती आहे. संपूर्ण अटी व शर्ती प्रत्यक्ष करार करताना स्पष्ट व सविस्तरपणे निश्चित केल्या जातात.

सुविधा आणि संधी

कार्यालयीन सुविधा

● आधुनिक व सुसज्ज कार्यस्थळ

● शांत, सकारात्मक आणि व्यावसायिक वातावरण

● सुसज्ज संगणक, इंटरनेट व वर्किंग टूल्स

● सुरक्षितता आणि स्वच्छतेची हमी

कामकाजाचे वेळापत्रक

● ठराविक आणि नियोजनबद्ध कामाच्या वेळा

● आठवड्यात एक निश्चित सुट्टी

● गरजेनुसार लवचिक वेळा

व्यावसायिक वाढीच्या संधी

● प्रशिक्षण, कार्यशाळा आणि प्रत्यक्ष कामातून शिकण्याची संधी

● उच्च कामगिरीसाठी प्रोत्साहन व बढतीची शक्यता

● विविध प्रकल्पांमध्ये सहभागी होण्याची संधी

● नेतृत्वगुण विकसित करणारी जबाबदारी

मानधन आणि प्रोत्साहन

● योग्य आणि स्पर्धात्मक मानधन

● वेळेवर व नियमित देयके

● कामगिरीनुसार लाभांश किंवा गौरव

सहकार्य आणि व्यावसायिक ओळख

● अनुभवी आणि मैत्रीपूर्ण संघ

● सर्जनशील व मोकळा संवाद

● संघ बैठक व विचारमंथनाची सत्रे

शिकण्याची संधी

● नवीन तंत्रज्ञान व कौशल्ये शिकण्याची मोकळीक

● मराठी माध्यमातून प्रशिक्षण

● कृत्रिम बुद्धिमत्ता व डिजिटल टूल्सचा वापर

मूल्याधारित संस्था संस्कृती

● पारदर्शक व न्याय्य व्यवहार

● सामाजिक भान असलेली संस्था

● मूल्य, शिस्त आणि जबाबदारीवर भर

अतिरिक्त लाभ व उपक्रम

● विशेष दिवस, सण साजरे करणे

● कौटुंबिक कार्यक्रम व सहली

● वर्षातून एकदा संघबांधणी उपक्रम

सर्वसाधारण सेवा करारनामा

सर्वसाधारण सेवा करारनामा

📄

कंत्राटी सेवा पुरवठा करारनामा

(यात पदानुसार वेळा, नियम, अटी व इतर तपशीलाचा बदल होऊ शकतो)

www.sahyadrimarathi.com

सह्याद्री मराठी | २०८, साई सदन, ७६/७८, मोदी स्ट्रीट, मॉडर्न हॉटेलसमोर, फोर्ट, मुंबई – ४०० ००१

[email protected]

+91 77750 55900

करारातील पक्ष

पक्ष क्र. १ – सेवा स्वीकारणार (संस्था)

नाव : सह्याद्री मराठी

पत्ता : २०८, साई सदन, ७६/७८, मोदी स्ट्रीट, मुंबई – ४०० ००१.

संपर्क : +91 77750 55900

ई-मेल : [email protected]

(यापुढे ‘संस्था’ म्हणून संबोधले जाईल)

पक्ष क्र. २ – सेवा पुरवठादार

नाव :

पत्ता :

संपर्क :

ई-मेल :

(यापुढे ‘सेवा पुरवठादार’ म्हणून संबोधले जाईल)

हा करारनामा वरील दोन्ही पक्षांमध्ये, परस्पर सहमतीने, आज दिनांक रोजी करण्यात येत आहे.

📋

अनुक्रमणिका

भाग १ – प्राथमिक तरतुदी
१कराराचा उद्देश	२स्वतंत्र सेवा पुरवठादार दर्जा
३कराराचा कालावधी	४परिविक्षाधीन कालावधी
५किमान सेवा कालावधी
भाग २ – कामकाज व कार्यप्रदर्शन
६कामाचे स्वरूप	७कार्यप्रदर्शन मूल्यमापन
८कार्यालयीन वेळ व उपस्थिती	९उशिरा येण्याचे नियम
१०घरून काम (WFH)
भाग ३ – मानधन व रजा
११मानधन	१२अनुपस्थिती व मानधन कपात
१३रजा धोरण
भाग ४ – आचारसंहिता व शिस्त
१४सामान्य आचारसंहिता	१५संपादकीय व नैतिक आचारसंहिता
१६हितसंबंध संघर्ष	१७शिस्तभंग प्रक्रिया
भाग ५ ते १० – गोपनीयता, डिजिटल, बौद्धिक संपदा, स्पर्धा, समाप्ती, कायदेशीर
१८-१९गोपनीयता करार (NDA)	२०-२२डिजिटल मालमत्ता संरक्षण
२३-२४बौद्धिक संपदा हक्क	२५-२७स्पर्धाविरोधी व संरक्षण
२८-३१सेवा समाप्ती व राजीनामा	३२-४१नुकसानभरपाई व कायदेशीर

⚖️
भाग १ – प्राथमिक तरतुदी

१

कलम १ – कराराचा उद्देश

संस्थेच्या डिजिटल मीडिया, पत्रकारिता, संपादन, ग्राफिक डिझाइन, व्हिडिओ निर्मिती, सोशल मीडिया व्यवस्थापन, संशोधन, जाहिरात, विपणन, प्रशासकीय किंवा तत्संबंधित कामांसाठी सेवा पुरवठादाराची नियुक्ती करण्यात येत आहे.

ℹ

पदनाम व जबाबदाऱ्या संलग्न परिशिष्टात नमूद असतील.

२

कलम २ – स्वतंत्र सेवा पुरवठादार दर्जा

२.1सेवा पुरवठादार हा संस्थेचा कर्मचारी नसून स्वतंत्र कंत्राटी सेवा पुरवठादार म्हणून काम करेल.

२.२या करारामुळे खालील लाभांचा कोणताही हक्क निर्माण होणार नाही:

✗भविष्य निर्वाह निधी (PF), ESIC, Gratuity, Bonus

✗रजा रोखीकरण (Leave Encashment)

✗कायमस्वरूपी नियुक्ती किंवा कामगार कायद्यांतर्गत लाभ

२.३सेवा पुरवठादार स्वतःच्या प्राप्तिकर, व्यवसाय नोंदी व कायदेशीर अनुपालनासाठी स्वतः जबाबदार राहील. कोणतेही TDS किंवा कायद्यानुसार देय कर कपात लागू असेल.

३

कलम ३ – कराराचा कालावधी

प्रारंभ दिनांक:

समाप्ती दिनांक:

परस्पर लेखी संमतीने करार नूतनीकरण करता येईल. कराराच्या स्वयंचलित नूतनीकरणाचा (auto-renewal) कोणताही हक्क सेवा पुरवठादाराला राहणार नाही.

४

कलम ४ – परिविक्षाधीन कालावधी (Probation)

४.१नियुक्तीच्या दिनांकापासून पहिले सहा (६) महिने परिविक्षाधीन कालावधी म्हणून गणले जातील.

४.२या कालावधीत संस्था, सेवा पुरवठादाराच्या कामगिरीचे मूल्यमापन करेल. समाधानकारक कामगिरी असेल तरच पुढील सेवा नूतनीकरण करण्यात येईल.

४.३परिविक्षाधीन कालावधीत कोणत्याही विशेष सवलतीच्या रजा मिळणार नाहीत.

४.४परिविक्षाधीन कालावधीत संस्था, विनासूचना किंवा एक आठवड्याच्या सूचनेवर करार संपुष्टात आणू शकते.

५

कलम ५ – किमान सेवा कालावधी

संस्थेने केलेली प्रशिक्षण व संसाधनांवरील गुंतवणूक न्याय्य ठरावी या उद्देशाने, सेवा पुरवठादाराने नियुक्तीच्या दिनांकापासून किमान एक (१) वर्षाचा सेवा कालावधी पूर्ण करणे अपेक्षित आहे. परिविक्षाधीन कालावधी संपल्यानंतर सेवा सोडण्याची इच्छा असल्यास, संस्थेशी चर्चा करून परस्पर संमतीने व निर्धारित सूचना कालावधी पाळूनच राजीनामा देता येईल.

💼
भाग २ – कामकाज व कार्यप्रदर्शन

६

कलम ६ – कामाचे स्वरूप व जबाबदाऱ्या

सेवा पुरवठादाराने खालीलपैकी नेमून दिलेल्या कामांचे निष्ठापूर्वक व वेळेत पालन करणे बंधनकारक राहील:

▸वृत्तलेखन, संपादन, ग्राफिक डिझाइन, व्हिडिओ संपादन

▸सोशल मीडिया व्यवस्थापन, WordPress, SEO

▸संशोधन, जाहिरात सेवा, प्रशासकीय कामे

▸संस्थेने वेळोवेळी सोपविलेली इतर कामे

📎

कामाचे तपशीलवार स्वरूप, उद्दिष्टे व मानके संलग्न परिशिष्टात नमूद राहतील.

७

कलम ७ – कार्यप्रदर्शन मूल्यमापन

संस्थेला खालील निकषांवर सेवा पुरवठादाराच्या कामगिरीचे नियमित मूल्यमापन करण्याचा अधिकार राहील:

📝कामाची गुणवत्ता, अचूकता व सखोलता	⏰वेळापत्रकाचे पालन व सुसूत्रता
✅उपस्थिती व प्रतिसाद वेळ	🎯संपादकीय अचूकता व तांत्रिक कौशल्य
🤝ग्राहक व सहकारी यांचा अभिप्राय

ℹ

कामगिरी असमाधानकारक आढळल्यास संस्था, लेखी सूचना देऊन सुधारणेस वाजवी वेळ देईल. त्यानंतरही सुधारणा न झाल्यास करार संपुष्टात आणण्याचा अधिकार संस्थेस राहील.

८

कलम ८ – कार्यालयीन वेळ व उपस्थिती

उपकलम	तपशील
८.१ कार्यालयीन वेळ	सोमवार ते शनिवार, सकाळी ६:०० ते दुपारी ३:०० (किंवा संस्थेने निर्धारित केलेल्या वेळेनुसार)
८.२ हजेरी वेळ	सकाळी ५:४५ (कामाआधी हजर) व दुपारी ३:१५ (रवाना नोंद)
८.३ विश्रांती वेळ	चहा – ८:०० ते ८:१५ व १:०० ते १:१५; जेवण – १०:३० ते ११:०० (या वेळांशिवाय काम अपेक्षित)
८.४ साप्ताहिक सुट्टी	फिरत्या क्रमाने आठवड्यातील एक दिवस
८.५ जादा वेळ (Overtime)	स्वतंत्रपणे लागू नाही; तथापि संस्थेच्या आवश्यकतेनुसार सेवा पुरवठादाराने उपलब्ध राहणे अपेक्षित आहे.

९

कलम ९ – उशिरा येण्याबाबत नियम

महिन्यातून जास्तीत जास्त तीन (३) वेळा उशिरा येण्यास शिथिलता दिली जाईल.

▸त्यानंतर प्रत्येक तीन (३) वेळांच्या उशिरास अर्ध्या (½) दिवसाची अनुपस्थिती मानली जाईल व त्यानुसार मानधन कपात होईल.

▸सातत्यपूर्ण उशिरा येण्यास शिस्तभंग कारवाई होऊ शकते.

१०

कलम १० – घरून काम (Work From सह्याद्री मराठी वाहिनी)

१०.१घरून काम करणाऱ्या सेवा पुरवठादाराने स्वतःच्या खर्चाने संगणक, मोबाईल, इंटरनेट, वीज, डेटा व आवश्यक सॉफ्टवेअर उपलब्ध ठेवणे बंधनकारक आहे.

१०.२खालील कारणे वैयक्तिक जबाबदारी मानली जातील व त्यांमुळे काम न झाल्यास त्या कालावधीचे मानधन देय राहणार नाही: वीजपुरवठा खंडन, इंटरनेट बंद, संगणक/मोबाईल बिघाड, डेटा संपणे, सॉफ्टवेअर समस्या.

१०.३घरून काम करणाऱ्या सेवा पुरवठादाराने ठरलेल्या वेळेत लॉग-इन करणे, WhatsApp गटात सक्रिय राहणे, ई-मेल तपासणे व कामाशी संबंधित संपर्कास त्वरित प्रतिसाद देणे आवश्यक आहे.

१०.४कार्यालयीन कामासाठी वापरल्या जाणाऱ्या कोणत्याही प्रणालीत अनधिकृत सॉफ्टवेअर वा ॲप डाउनलोड करण्यास मनाई आहे.

💰
भाग ३ – मानधन व रजा

११

कलम ११ – मानधन

११.१मासिक मानधन संस्था व सेवा पुरवठादार यांच्यातील स्वतंत्र मानधन पत्रात नमूद असेल.

११.२मानधन प्रत्येक महिन्याच्या १० तारखेला अदा केले जाईल.

११.३मानधन अगाऊ उचल (Advance) दिली जाणार नाही.

११.४मानधनवाढ व लाभ: किमान ९५% उपस्थिती अनिवार्य; संस्थेच्या धोरणानुसार व सेवा पुरवठादाराच्या कामगिरीवर आधारित निर्णय घेतला जाईल.

१२

कलम १२ – अनुपस्थिती व मानधन कपात

▸अनधिकृत अनुपस्थितीचा संपूर्ण कालावधी मानधनातून आनुपातिक (pro-rata) पद्धतीने कपात केला जाईल.

▸मंजुरीशिवाय रजा घेतल्यास १ दिवसाच्या बदल्यात २ दिवसांचे मानधन कपात केले जाईल.

१३

कलम १३ – रजा धोरण

रजा प्रकार	नियम
पगारी रजा (१३.१)	संस्थेत एक (१) वर्ष पूर्ण होईपर्यंत कोणतीही पगारी रजा मिळणार नाही.
बिनपगारी रजा (१३.२)	किमान दहा (१०) दिवस आधी लेखी विनंती; सात (७) दिवस आधी मंजूर करून घेणे आवश्यक.
आजारी रजा (१३.३)	सकाळी नऊपूर्वी [email protected] वर सूचना; ३ दिवसांपेक्षा जास्त असल्यास डॉक्टर प्रमाणपत्र आवश्यक.
दया रजा (१३.४)	व्यवस्थापनाच्या विवेकाधिकाराने मंजूर केली जाईल.
मातृत्व रजा (१३.५)	Maternity Benefit Act, 1961 नुसार लागू राहील.
पितृत्व रजा (१३.६)	व्यवस्थापनाच्या निर्णयानुसार.
अनधिकृत सुट्टी (१३.७)	⚠️ सात (७) दिवसांपेक्षा अधिक अनधिकृत सुट्टी घेतल्यास करार संपुष्टात आल्याचे मानले जाईल व अटींनुसार कारवाई होईल.

📜
भाग ४ – आचारसंहिता व शिस्त

१४

कलम १४ – सामान्य आचारसंहिता

सेवा पुरवठादाराने खालील आचारसंहितेचे कटाक्षाने पालन करणे बंधनकारक आहे:

▸स्वच्छ, औपचारिक व प्रसंगानुरूप वेशभूषा.

▸WhatsApp सेटिंग: Read receipts चालू, Last seen व Online दृश्यमान ठेवणे.

▸कार्यालयीन वेळेत वैयक्तिक दूरध्वनी वापरास बंदी; चहा व जेवणाच्या सुट्टीत परवानगी.

▸आपत्कालीन परिस्थितीत जवळच्या नातेवाईकांना कार्यालयात संपर्क साधण्यास परवानगी.

▸कार्यालयीन यंत्रणेवर वैयक्तिक सोशल मीडिया व ई-मेल वापरास मनाई.

▸केवळ अधिकृत ई-मेलद्वारेच कार्यालयीन व्यवहार करणे.

▸पासवर्ड बदलणे, नवीन सॉफ्टवेअर किंवा ॲप डाउनलोड करण्यास लेखी परवानगी आवश्यक.

नियमांचे उल्लंघन केल्यास आर्थिक दंड, मानधनवाढ व लाभांशापासून वंचित ठेवणे किंवा शिस्तभंग कारवाईस पात्र होता येईल.

१५

कलम १५ – संपादकीय व नैतिक आचारसंहिता

✓प्रत्येक बातमी, लेख वा सामग्री प्रकाशनापूर्वी तथ्य पडताळणी (Fact-Checking) करणे.

✗मानहानीकारक, असत्य किंवा दिशाभूल करणारी माहिती प्रकाशित न करणे.

✗कॉपीराइट नियमांचा आदर करणे; अनधिकृत सामग्री वापरण्यास मनाई.

✓संस्थेचे संपादकीय धोरण व मार्गदर्शक तत्त्वे पाळणे.

✓AI साधने (ChatGPT, Gemini, Claude इत्यादी) वापरल्यास, अंतिम सामग्रीची अचूकता तपासण्याची जबाबदारी सेवा पुरवठादाराची राहील.

संपादकीय चुकांमुळे संस्थेला कायदेशीर दावा आल्यास संबंधित सेवा पुरवठादार वैयक्तिकरित्या जबाबदार राहील.

१६

कलम १६ – हितसंबंध संघर्ष

सेवा पुरवठादाराने कोणतेही राजकीय, आर्थिक, व्यावसायिक किंवा वैयक्तिक हितसंबंध संस्थेला अगोदरच जाहीर करणे आवश्यक आहे.

⚠️

असे हितसंबंध जाहीर न करणे हे करारभंग मानले जाईल.

१७

कलम १७ – शिस्तभंग प्रक्रिया

नियमांचे उल्लंघन झाल्यास खालील क्रमाने कारवाई केली जाईल:

१तोंडी इशारा

२लेखी इशारा

३अंतिम लेखी इशारा

४सेवा समाप्ती

गंभीर उल्लंघनाच्या प्रकरणात (डेटा चोरी, फसवणूक, मानहानी इत्यादी) वरील क्रम न पाळता तात्काळ सेवा समाप्ती केली जाऊ शकते.

🔒
भाग ५ – गोपनीयता करार (NDA)

१८-१९

कलम १८-१९ – गोपनीयता करार (NDA)

१८. गोपनीय माहितीची व्याख्या — खालील सर्व माहिती गोपनीय मानली जाईल:

▸ग्राहक यादी, जाहिरातदार व व्यावसायिक भागीदारांची माहिती

▸संस्थेची आर्थिक माहिती, व्यवसाय योजना, संपादकीय नियोजन

▸सर्व लॉगिन माहिती, पासवर्ड, OTP, डेटाबेस

▸कर्मचारी, सेवा पुरवठादार यांच्याबद्दलची अंतर्गत माहिती

▸तांत्रिक प्रणाली, कार्यपद्धती व संपर्क जाळे

१९. गोपनीयतेच्या जबाबदाऱ्या — सेवा पुरवठादाराने:

✗गोपनीय माहिती कोणत्याही तृतीय पक्षास, प्रतिस्पर्धी संस्थेस किंवा माध्यमास उघड करू नये.

✗गोपनीय माहिती कॉपी करणे, डाउनलोड करणे, स्वतःकडे ठेवणे किंवा दुसऱ्यास देणे प्रतिबंधित आहे.

✗संस्थेच्या डिजिटल खात्यांचे पासवर्ड, OTP किंवा लॉगिन माहिती कोणालाही देऊ नये.

⏱

हे बंधन करार संपल्यानंतरही दोन (२) वर्षांपर्यंत लागू राहील. उल्लंघन झाल्यास कायदेशीर कारवाई व नुकसानभरपाईस पात्र होता येईल.

💻
भाग ६ – डिजिटल मालमत्ता संरक्षण

२०-२२

कलम २०-२२ – डिजिटल मालमत्ता संरक्षण

२०. डिजिटल मालकी — खालील सर्व संपूर्णपणे संस्थेची मालमत्ता आहे:

🌐Domain Names, Websites, WordPress Accounts, Email Accounts	📱Facebook Pages, Instagram, YouTube Channels, WhatsApp, Telegram
📁Google Drive Data, सर्व सोशल मीडिया खाती	🎨Canva Designs, Adobe Projects

२१. संकेतशब्द व प्रवेश

कोणताही संकेतशब्द, OTP, लॉगिन माहिती वा डिजिटल प्रवेश तृतीय पक्षास देणे पूर्णपणे प्रतिबंधित आहे. संस्थेच्या कोणत्याही खात्याचा पासवर्ड बदलण्यासाठी संस्थेच्या अधिकृत परवानगीशिवाय कारवाई करता येणार नाही.

कलम २२: सेवा समाप्तीनंतर २४ तासांच्या आत सर्व लॉगिन माहिती, फाईल्स व डेटा संस्थेकडे सुपूर्द करणे बंधनकारक. हस्तांतरण न केल्यास कायदेशीर कारवाई व नुकसानभरपाईस पात्र होता येईल.

२३-२४

कलम २३-२४ – बौद्धिक संपदा हक्क

२३. Work For Hire

संस्थेसाठी तयार केलेले सर्व लेख, फोटो, व्हिडिओ, ग्राफिक्स, डिझाईन्स, स्क्रिप्ट, संकल्पना, रचना व संकेतांक यांचे सर्व बौद्धिक संपदा हक्क (Copyright, Moral Rights सह) संस्थेकडे राहतील. सेवा पुरवठादार या सामग्रीचा स्वतःच्या नावाने किंवा इतरत्र वापर करू शकणार नाही.

२४. पूर्वीची बौद्धिक संपदा

सेवा पुरवठादाराने या करारापूर्वी स्वतंत्रपणे तयार केलेली कोणतीही सामग्री या करारामुळे संस्थेची मालमत्ता होणार नाही; परंतु अशा सामग्रीचा संस्थेच्या कामात वापर केल्यास ती संस्थेच्या मालकीची होईल.

🛡️
भाग ८ – स्पर्धाविरोधी व व्यवसाय संरक्षण

२५-२७

कलम २५-२७ – स्पर्धाविरोधी व व्यवसाय संरक्षण

२५. ग्राहक व कर्मचारी संरक्षण

करार संपल्यानंतर बारा (१२) महिन्यांपर्यंत सेवा पुरवठादाराने संस्थेचे ग्राहक, जाहिरातदार, कर्मचारी, फ्रीलान्सर किंवा व्यावसायिक भागीदार स्वतःकडे किंवा प्रतिस्पर्धी संस्थेकडे वळविण्याचा कोणताही प्रयत्न करू नये. असे केल्यास कायदेशीर कारवाई व दंडास पात्र होता येईल.

२६. स्पर्धा प्रतिबंध

निर्धारित सूचना कालावधी न देता किंवा करारातील अटींचे उल्लंघन करून सेवा सोडल्यास, त्यानंतर बारा (१२) महिन्यांपर्यंत संस्थेच्या थेट स्पर्धक संस्थांमध्ये सेवा पुरवण्यास प्रतिबंध राहील. हे बंधन भारतीय कायद्याच्या मर्यादेत असेल.

✅टीप: नियमित व सन्मानाने करार संपविणाऱ्या सेवा पुरवठादारास हे बंधन लागू होणार नाही.

२७. प्रशिक्षण खर्च वसुली

संस्थेकडून विशेष प्रशिक्षण, कार्यशाळा किंवा परिषदेत सहभागी करून घेतल्यानंतर बारा (१२) महिन्यांच्या आत करार मोडल्यास किंवा अटी न पाळता सेवा सोडल्यास, संस्थेला प्रत्यक्ष प्रशिक्षण खर्च वसूल करण्याचा अधिकार राहील.

🚪
भाग ९ – सेवा समाप्ती व राजीनामा

२८-३१

कलम २८-३१ – सेवा समाप्ती व राजीनामा

२८. राजीनामा सूचना कालावधी

२८.१राजीनामा देणे – महिन्याच्या पहिल्या दिवशी : एक तारखेला.

२८.२कंत्राटी / करारावरील सेवा पुरवठादार: किमान दोन (२) महिन्यांची अगाऊ लेखी सूचना.

२८.३वरिष्ठ पदावरील सेवा पुरवठादार: किमान तीन (३) महिन्यांची अगाऊ लेखी सूचना.

२८.४⚠️ या अटी न पाळल्यास तीन (३) महिन्यांचे मानधन किंवा ₹ ३,००,०००/- (तीन लाख रुपये), यापैकी जी रक्कम अधिक असेल तो दंड आकारला जाईल.

२८.५सूचना कालावधी कमी किंवा जास्त करण्याचा अधिकार संस्थेकडे राखीव असेल; परंतु सेवा पुरवठादाराच्या बाबतीत असे करण्यासाठी संस्थेने लेखी सूचना द्यावी लागेल.

२९. संस्थेद्वारे तात्काळ सेवा समाप्ती

▸डेटा चोरी, गोपनीयता भंग, फसवणूक

▸गंभीर गैरवर्तन, कॉपीराइट उल्लंघन, मानहानीकारक कृत्य, खोटी माहिती पसरविणे

▸संस्थेच्या डिजिटल मालमत्तेचा अपहार

▸कामाची गरज संपल्यास किंवा संस्थेची आर्थिक परिस्थिती — या प्रकरणात एक महिन्याची पूर्वसूचना देणे अपेक्षित

३०. अनधिकृत अनुपस्थिती (Absconding)

मंजूर रजेशिवाय सलग सात (७) दिवस गैरहजर राहिल्यास, किंवा सलग चार (४) आठवड्यांत उपस्थिती एकूण कार्यदिवसांच्या ७०% पेक्षा कमी असल्यास, सेवा पुरवठादाराने विनासूचना करार खंडित केला असे मानले जाईल. अशा प्रकरणात पुढील कायदेशीर कारवाई व संस्थेस झालेल्या नुकसानाची भरपाई सेवा पुरवठादारावर बंधनकारक राहील.

३१. Exit Clearance

▸संस्थेची सर्व उपकरणे, साहित्य व मालमत्ता परत करणे

▸सर्व पासवर्ड, लॉगिन माहिती संस्थेकडे हस्तांतरित करणे

▸सर्व फाईल्स, प्रकल्प व डेटा संस्थेकडे जमा करणे

▸थकबाकी नसल्याचे प्रमाणपत्र (No Dues Certificate) घेणे

⚠️

Exit Clearance पूर्ण होईपर्यंत अंतिम मानधन अदा केले जाणार नाही.

⚖️
भाग १० – नुकसानभरपाई व कायदेशीर तरतुदी

३२-४१

कलम ३२-४१ – नुकसानभरपाई व कायदेशीर तरतुदी

कलम	तरतूद
३२. प्रत्यक्ष नुकसान वसुली	सेवा पुरवठादाराच्या जाणूनबुजून केलेल्या कृत्यामुळे, निष्काळजीपणामुळे किंवा करारभंगामुळे संस्थेला झालेले प्रत्यक्ष आर्थिक नुकसान वसूल करण्याचा अधिकार संस्थेस राहील.
३३. नुकसानभरपाई (Indemnity)	सेवा पुरवठादाराच्या कृती, निष्काळजीपणा, करारभंग, संपादकीय चुका, कॉपीराइट उल्लंघन, मानहानी किंवा कायद्याचे उल्लंघन यांमुळे संस्थेला झालेल्या सर्व नुकसानीपासून, कायदेशीर खर्चासह, सेवा पुरवठादार संस्थेला भरपाई देण्यास बंधनकारक राहील.
३४. तक्रार निवारण	सेवा पुरवठादाराच्या वाजवी तक्रारी संस्थेकडून प्राधान्याने सोडविण्याचा प्रयत्न केला जाईल. तक्रार लेखी स्वरूपात HR विभागाकडे सादर करावी; संस्था तीस (३०) दिवसांत उत्तर देईल.
३५. Force Majeure	नैसर्गिक आपत्ती, युद्ध, साथरोग, सरकारी आदेश, इंटरनेट बंदी किंवा कोणत्याही पक्षाच्या नियंत्रणाबाहेरील घटनांमध्ये संस्था जबाबदार राहणार नाही; मात्र अशा परिस्थितीची तात्काळ लेखी सूचना दुसऱ्या पक्षास देणे बंधनकारक आहे.
३६. माहिती गोपनीयता	सेवा पुरवठादाराची वैयक्तिक माहिती कायदेशीर मागणी किंवा करार-संबंधित आवश्यकतेशिवाय तृतीय पक्षास उघड केली जाणार नाही.
३७. मध्यस्थी (Arbitration)	वाद निर्माण झाल्यास प्रथम सामोपचाराने तोडगा काढण्याचा प्रयत्न केला जाईल. तोडगा न निघाल्यास Arbitration and Conciliation Act, 1996 नुसार एकमेव लवादाकडे (Sole Arbitrator) वाद सोपविला जाईल. लवादाचे ठिकाण मुंबई असेल.
३८. लागू कायदा व अधिकार क्षेत्र	हा करार भारतीय कायद्यांच्या अधीन राहील. या कराराशी संबंधित सर्व वादांवर मुंबई महानगर न्यायदंडाधिकारी, मुंबई येथील सक्षम न्यायालयांच्या अधिकार क्षेत्र राहील.
३९. करारात बदल	या करारातील कोणताही बदल लेखी स्वरूपात असावा व दोन्ही पक्षांनी स्वाक्षरी केलेला असावा. तोंडी बदल वैध मानले जाणार नाहीत.
४०. विभाज्यता	या करारातील कोणतेही कलम कायद्याने अवैध ठरल्यास केवळ ते कलम रद्द होईल; उर्वरित करार पूर्णपणे लागू राहील.
४१. पूर्ण करार	हा करार व त्यास जोडलेली परिशिष्टे, दोन्ही पक्षांमधील संपूर्ण व अंतिम करार आहे. यापूर्वीच्या सर्व तोंडी व लेखी चर्चा, करार व कागदपत्रे यापुढे रद्द मानली जातील.

✍️ स्वाक्षरी व मान्यता

करारनाम्यातील, सोबतच्या जोडपत्रांतील व परिशिष्टांतील सर्व नियम, अटी व शर्ती मला समजल्या आहेत आणि मी त्या मनःपूर्वक मान्य करतो/करते. माझ्या सेवाकाळात मी त्यांचे संपूर्ण पालन करेन.
मी या कराराच्या सर्व अटी व शर्ती वाचल्या व समजून घेतल्या आहेत. मला त्या मान्य असून संपूर्ण सेवाकालात त्यांचं पालन करण्याची मी खात्री देतो.

📌

हा दस्तऐवज संस्थेच्या अधिकृत पोर्टलवरुन नोकरी अर्ज केला असेल तरच वैध ठरेल.

📧 ई-मेल : [email protected]

🌐 वेब पोर्टल : www.sahyadrimarathi.com

सह्याद्री मराठी

माध्यम | उपक्रम | परिवार