रत्नागिरीत औद्योगिक आराखड्याला मंजुरी

रत्नागिरीच्या समुद्र किनाऱ्याचा भौगोलिक लाभ उठवण्यासाठी संरक्षण आणि पर्यटन क्षेत्राशी निगडित नवीन पायाभूत सुविधा निर्माण केल्या जात आहेत.

रत्नागिरी जिल्ह्यातील औद्योगिक क्षेत्राला नवी दिशा देण्यासाठी ७,५०० कोटी रुपयांचा ग्रीन स्टील प्रकल्प दोन वेगवेगळ्या ठिकाणी विभागून उभारण्यात येणार आहे. यातील पहिला प्रकल्प राजापूर येथे, तर दुसरा प्रकल्प रत्नागिरी तालुक्यात आकारास येणार आहे. यामुळे प्रदूषणमुक्त पोलाद निर्मितीला चालना मिळणार आहे. याशिवाय, जिल्ह्यासाठी पूर्वी प्रस्तावित असलेल्या ३८,००० कोटी रुपयांच्या व्हीआयटी सेमीकंडक्टर प्रकल्पाबाबत महत्त्वाची माहिती समोर आली आहे. अमेरिकेतील काही तांत्रिक घडामोडींमुळे या महाप्रकल्पाला काहीसा विलंब झाला असून, आता या प्रकल्पाच्या रचनेत बदल करण्यात आले आहेत. या प्रकल्पासाठी आवश्यक तेवढीच जमीन राखून ठेवून उर्वरित अतिरिक्त जमीन इतर नवीन उद्योगांना त्वरित वाटप करण्याचा निर्णय उद्योग विभागाने घेतला आहे. या धोरणामुळे इतर क्षेत्रातील गुंतवणूकदारांना रत्नागिरीत येण्याचा मार्ग मोकळा झाला आहे. घरगुती ग्राहकांसाठी सीएनजी प्रकल्प देखील अंतिम टप्प्यात असून, तो जिल्ह्याचा कायापालट करण्यात महत्त्वाची भूमिका बजावणार आहे.