शेतकऱ्यांच्या खात्यात सन्मान निधी जमा

पश्चिम बंगालमधील हुगळी जिल्ह्यातील तारकेश्वर येथे शनिवारी आयोजित करण्यात आलेल्या विशेष समारंभात पंतप्रधान नरेंद्र मोदी यांच्या हस्ते पीएम किसान योजनेच्या तेविसाव्या हप्त्याचे थेट हस्तांतरण करण्यात आले. या देशव्यापी कार्यक्रमामध्ये महाराष्ट्राचे कृषी मंत्री दत्तात्रय भरणे हे दूरदृश्य प्रणालीच्या माध्यमातून मुंबईहून सहभागी झाले होते. केंद्र सरकारने वीस जून हा दिवस संपूर्ण देशात ‘पीएम किसान उत्सव दिवस’ म्हणून साजरा केला.

चालू वर्षातील तेविसावा हप्ता मिळवण्यासाठी राज्य आणि केंद्र सरकारच्या वतीने काही तांत्रिक निकष पूर्ण करणे बंधनकारक करण्यात आले होते. ज्या शेतकऱ्यांनी भूमी अभिलेख अद्ययावत केले, आधार कार्ड बँक खात्याशी जोडले आणि ई-केवायसी प्रक्रिया यशस्वीरीत्या पूर्ण केली, त्यांनाच या हप्त्याचा लाभ मिळाला आहे. तसेच या हप्त्यापासून लाभार्थ्यांकडे डिजिटल शेतकरी ओळखपत्र म्हणजेच फार्मर आयडी असणे देखील अनिवार्य केले गेले आहे.