स्थानिकांना टोल पास मिळणार

राष्ट्रीय महामार्ग प्राधिकरणाने राजमार्गयात्रा ॲपद्वारे सुरू केलेली डिजिटल लोकल पास प्रणाली हे डिजिटल इंडियाच्या दिशेने पडलेले एक महत्त्वाचे पाऊल आहे. टोल नाक्याच्या २० किलोमीटर परिघातील नागरिकांना ऑनलाईन सुविधा उपलब्ध करून दिल्यामुळे स्थानिकांचा मोठा वेळ वाचत आहे. पूर्वी कागदपत्रांच्या पडताळणीवरून होणारे वाद आणि तासनतास लागणाऱ्या रांगा यामुळे स्थानिक नागरिक त्रस्त झाले होते. ऑनलाईन अर्ज आणि थेट फास्टॅग जोडणीमुळे प्रक्रियेत पारदर्शकता आली आहे. ॲपमधील तांत्रिक त्रुटी वेळेत दूर करणे आवश्यक आहे. ग्रामीण भागातील नागरिकांना या ऑनलाईन प्रक्रियेची माहिती देण्यासाठी एनएचएआयने विशेष मार्गदर्शन मोहिमा राबवणे गरजेचे आहे. सर्व घटकांनी या तंत्रज्ञानाचा स्वीकार केल्यास महामार्गावरील प्रवास खऱ्या अर्थाने गतिमान आणि त्रासमुक्त बनेल.