जनधन खात्यांमध्ये उत्तर प्रदेश अव्वल

देशातील ५८.७ कोटी जनधन खात्यांपैकी ५४ टक्के वाटा पाच प्रमुख राज्यांचा आहे. लोकसंख्येचे प्रमाण आणि बँकिंग विस्ताराच्या आधारे या राज्यांनी अव्वल स्थान मिळवले आहे.

योजनेच्या सुरुवातीला अनेक खाती शून्य शिल्लक स्वरूपात उघडली गेली होती. अलिकडच्या काळात या खात्यांमधील ठेवींची रक्कम आणि सक्रियता वाढली आहे. केंद्र आणि राज्य सरकारच्या विविध सामाजिक सुरक्षा योजनांचे अनुदान, डीबीटी रक्कम आणि गॅस सबसिडी थेट बँक खात्यात जमा होत आहे. या नियमित व्यवहारामुळे खात्यांची गुणवत्ता सुधारली आहे. सार्वजनिक क्षेत्रातील बँकांमध्ये स्टेट बँक ऑफ इंडियाने सर्वाधिक जनधन खाती उघडून प्रथम क्रमांक मिळवला आहे. ग्रामीण आणि निमशहरी भागात स्टेट बँकेचे विस्तृत नेटवर्क असल्याने नागरिकांनी या बँकेत खाती उघडण्यास प्राधान्य दिले आहे. अपघात विमा संरक्षण आणि ओव्हरड्राफ्ट सुविधेमुळे जनधन खाती सर्वसामान्य नागरिकांसाठी भक्कम आर्थिक सुरक्षा कवच बनली आहेत.