नीचभंग राजयोग म्हणजे काय?

वैदिक ज्योतिषशास्त्रानुसार, जेव्हा एखादा ग्रह कुंडलीत आपल्या नीच राशीत म्हणजेच कमकुवत स्थितीत असतो, परंतु काही विशेष ग्रहांच्या प्रभावामुळे किंवा युतीमुळे त्याचा हा नीच दोष नष्ट होऊन त्याला उच्च ग्रहासारखे फळ मिळते, तेव्हा नीचभंग राजयोग निर्माण होतो. आज मंगळ ग्रह कर्क या स्वतःच्या नीच राशीत असून, त्याच राशीत देवगुरु बृहस्पती स्वतःच्या उच्च राशीत विराजमान आहेत. उच्च ग्रहाच्या या प्रबळ प्रभावामुळे आणि मंगळासोबतच्या युतीमुळे मंगळाचा नीच दोष पूर्णपणे नष्ट होतो. हा योग व्यक्तीला संकटांवर मात करण्याची प्रचंड जिद्द, धाडस आणि नेतृत्वगुण प्रदान करतो. कठीण काळातून जात असलेल्या व्यक्तीला अचानक यश आणि प्रगतीचे मार्ग दाखवण्याची ताकद या योगात असते. हा योग राजकीय, सामाजिक आणि आर्थिक क्षेत्रात मोठे सकारात्मक बदल घडवून आणण्यासाठी अत्यंत प्रभावी मानला जातो.