सर्वार्थ सिद्धी योग म्हणजे काय?

वैदिक ज्योतिषशास्त्रात ‘सर्वार्थ सिद्धी योग’ हा अत्यंत शुभ आणि फलदायी मानला जातो. हा योग नक्षत्र आणि वारांच्या विशिष्ट संयोगातून निर्माण होतो. जेव्हा विशिष्ट वारी ठराविक नक्षत्र येते, तेव्हा हा शुभ योग बनतो. जसे आज सोमवारी उत्तराषाढा आणि श्रवण नक्षत्र आल्याने हा योग प्रबळ झाला आहे. या योगाच्या प्रभावामुळे कामातील सर्व अडथळे दूर होतात. या काळात सुरू केलेल्या नवीन कार्याला यश मिळते. नवीन व्यवसाय सुरू करणे, सोने खरेदी, भूमी किंवा वाहनाचे सौदे करणे अशा शुभ कार्यांसाठी हा काळ सर्वोत्तम मानला जातो. हा योग नकारात्मक ऊर्जेचा नाश करून जीवनात सकारात्मकता, समृद्धी आणि यश खेचून आणतो, म्हणूनच याला ‘सर्व कार्य सिद्ध करणारा’ योग म्हणतात.