सर्वार्थ सिद्धी योग म्हणजे काय?

वैदिक ज्योतिषशास्त्रानुसार ‘सर्वार्थ सिद्धी योग’ अत्यंत शुभ मानला जातो. हा योग विशिष्ट वार आणि नक्षत्रांच्या शुभ संयोगातून निर्माण होतो. जेव्हा सोमवारच्या दिवशी उत्तराषाढा किंवा श्रवण नक्षत्राचा संयोग येतो, तेव्हा हा योग तयार होऊन अधिक बलवान बनतो. या योगावर चंद्र आणि गुरु या ग्रहांचा शुभ प्रभाव असतो, त्यामुळे यात सुरू केलेले कोणतेही नवीन काम निर्विघ्नपणे पूर्ण होते. नवीन व्यवसायाची सुरुवात करणे, भूमी किंवा वाहन खरेदी करणे, सोन्याचे दागिने घेणे अथवा महत्त्वाच्या करारांवर स्वाक्षरी करणे या सर्व गोष्टींसाठी हा काळ अत्यंत फलदायी ठरतो. या शुभ काळात केलेल्या कार्यात यश मिळण्याची शक्यता मोठ्या प्रमाणात वाढते, असा शास्त्रांचा संकेत आहे.