दादर – नवी मुंबई विमानतळ एसटी ई-बस

एसटी महामंडळाची विमानतळ ई-बस सेवा: प्रवासी वाहतुकीतील आधुनिक टप्पा एसटी महामंडळाने दादर, बोरिवली आणि स्वारगेट येथून नवी मुंबई आंतरराष्ट्रीय विमानतळासाठी सुरू केलेली थेट ई-बस सेवा ही सार्वजनिक वाहतूक बळकट करणारी आहे. अटल सेतूचा प्रभावी वापर करून दादर ते विमानतळ प्रवास अवघ्या १७० रुपयांत उपलब्ध करून देणे हे कौतुकास्पद पाऊल आहे. मुंबई-पुण्यासारख्या महत्त्वाच्या शहरांना थेट विमानतळाशी सार्वजनिक वाहतुकीने जोडल्यामुळे खाजगी वाहनांचा रस्ते वापर आणि प्रदूषण कमी होण्यास मदत होईल. ई-शिवाई या पर्यावरणपूरक गाड्यांचा वापर करून एसटीने आधुनिकतेकडे प्रवास सुरू केला आहे. या सेवांचे नियमित वेळापत्रक पाळणे, गाड्यांची स्वच्छता राखणे आणि प्रवाशांना दर्जेदार सुविधा देणे यावर या योजनेचे यश अवलंबून राहील.