लक्ष्मीनारायण योग म्हणजे काय?

वैदिक ज्योतिषशास्त्रात लक्ष्मीनारायण योग हा अत्यंत शुभ आणि फलदायी मानला जातो. जेव्हा एखाद्या राशीत संपत्तीचा कारक शुक्र आणि बुद्धीचा कारक बुध एकत्र येतात, तेव्हा हा योग जुळून येतो. बुध आणि शुक्र हे दोन्ही परस्परांचे परम मित्र आहेत. बुधाची चतुर बुद्धी आणि शुक्राची सौंदर्य व ऐश्वर्य मिळवण्याची कला जेव्हा एकत्र येते, तेव्हा व्यक्तीला आर्थिक क्षेत्रात अभूतपूर्व यश लाभते. हा योग कुंडलीत असणाऱ्या व्यक्तीला समाजात मान-सन्मान, उत्तम वक्तृत्व, उत्तम राहणीमान आणि संपत्तीचे सुख मिळते. आज हा योग तुळ राशीत तयार होत असून कुंभ राशीसाठी अत्यंत अनुकूल आणि आर्थिक उन्नती देणारा ठरतो.