गजकेसरी योग म्हणजे काय?

वैदिक ज्योतिषशास्त्रात गजकेसरी योग हा अत्यंत शुभ आणि शक्तिशाली योग मानला जातो. जेव्हा कुंडलीत देवगुरु बृहस्पती (गुरु) आणि चंद्र एकमेकांपासून केंद्र स्थानात म्हणजेच पहिल्या, चौथ्या, सातव्या किंवा दहाव्या स्थानात असतात, तेव्हा या योगाची निर्मिती होते. ‘गज’ म्हणजे हत्ती आणि ‘केसरी’ म्हणजे सिंह. हत्ती हा अफाट शक्ती, बुद्धी, ज्ञान आणि संयमाचे प्रतीक आहे, तर सिंह हा पराक्रम, साहस आणि नेतृत्वाचे प्रतीक मानला जातो. त्यामुळे हा योग कुंडलीत असणाऱ्या व्यक्तीकडे हत्तीसारखे अफाट ज्ञान आणि सिंहासारखा पराक्रम पाहायला मिळतो. हा योग असलेल्या जातकाला समाजात मोठी कीर्ती, यश, संपत्ती आणि उच्च पद प्राप्त होते. त्यांचा स्वभाव दयाळू आणि न्यायप्रिय असतो. शैक्षणिक, धार्मिक आणि शासकीय क्षेत्रांत या योगाच्या प्रभावामुळे व्यक्ती अत्यंत यशस्वी ठरते.