स्वतंत्र बातमी

पुणे शहरातील सार्वजनिक वाहतूक व्यवस्था अधिक सक्षम करण्यासाठी केंद्र सरकारने गेल्या वर्षी नोव्हेंबरमध्ये स्वारगेट ते खडकवासला आणि नळ स्टॉप ते माणिकबाग या विस्तारित मार्गिकांना हिरवा कंदील दिला होता. महामेट्रोने तातडीने पूर्वतयारी करून निविदा प्रक्रिया सुरू केली. सिंहगड रस्ता परिसरातील नागरिक गेल्या अनेक वर्षांपासून मेट्रोची प्रतीक्षा करत आहेत. दांडेकर पूल चौकात उड्डाणपूल आणि एचसीएमटीआर प्रकल्प एकत्र येत असल्याने तांत्रिक गुंतागुंत निर्माण झाली आहे. या तिन्ही महत्त्वाच्या प्रकल्पांमध्ये भविष्यात कोणताही अडथळा येऊ नये यासाठी एकत्रित आराखडा तयार करण्याचे काम दोन्ही प्रशासनांकडून सुरू आहे.