अमेरिकेची ऑस्ट्रेलियातील खनिज खाणीत गुंतवणूक

जागतिक स्तरावर दुर्मिळ खनिजांच्या प्रक्रियेवर आणि पुरवठ्यावर चीनचे सुमारे ८० टक्क्यांहून अधिक नियंत्रण आहे. चीनने लष्करी तंत्रज्ञानात वापरल्या जाणाऱ्या स्कँडियमच्या निर्यातीवर कडक निर्बंध लादले. त्यामुळे अमेरिका आणि मित्र राष्ट्रांनी चिनी अवलंबित्त्व संपवण्यासाठी हालचाली सुरू केल्या. ऑक्टोबर महिन्यात ट्रम्प आणि अल्बानीज यांच्यात झालेल्या ऐतिहासिक करारात दोन्ही देशांनी अब्जावधी डॉलर्सच्या गुंतवणुकीचे वचन दिले. फिफिल्ड येथील खाणीचे प्रत्यक्ष उत्खनन आणि प्रक्रिया केंद्र उभारणीचे काम आता वेगाने सुरू होत आहे. आगामी वर्षांत या खाणीतून प्रत्यक्ष उत्पादन सुरू करण्याचे उद्दिष्ट ठेवण्यात आले आहे.