स्वतंत्र बातमी

मुंबई शहर आणि उपनगरांमध्ये दररोज मोठ्या प्रमाणात घनकचरा निर्माण होतो. महापालिकेकडून कचरा संकलनासाठी कोट्यवधी रुपयांची कंत्राटे दिली जातात. अनेक भागांत कचरा गाड्या वेळेवर न येणे, कचरा साचून राहणे अशा तक्रारी वाढल्या होत्या. यापूर्वीही पालिकेने विविध डिजिटल ॲप्स सुरू केले, परंतु त्यांना मर्यादित यश मिळाले. प्रभाकर शिंदे यांनी मांडलेल्या नव्या क्यूआर कोड प्रस्तावामुळे कचरा उचलण्याच्या वेळेची अचूक नोंद ठेवणे शक्य होणार आहे. पुढील टप्प्यात महापालिका प्रशासन या प्रणालीची तांत्रिक चाचपणी करून त्याची प्रभागांमध्ये टप्प्याटप्प्याने अंमलबजावणी करण्याची शक्यता आहे.