स्वतंत्र बातमी

छत्रपती संभाजीनगर म्हाडा मंडळाने घोषित केलेली १२०४ घरे आणि भूखंडांची सोडत मराठवाड्यातील सर्वसामान्य नागरिकांसाठी दिलासादायक बाब आहे. शहरी भागात जमिनीच्या आणि घरांच्या वाढत्या किमतींमुळे मध्यम आणि अल्प उत्पन्न गटातील नागरिकांना स्वतःचे घर घेणे अशक्यप्राय झाले होते. अशा परिस्थितीत म्हाडाकडून परवडणाऱ्या दरात घरे आणि विकसित भूखंड उपलब्ध करून देणे ही काळाची गरज आहे. संगणकीय प्रणालीद्वारे सोडत काढण्याच्या निर्णयामुळे प्रक्रियेतील पारदर्शकता वाढेल आणि मध्यस्थांची लुडबूड थांबेल. प्राधिकरणाने निश्चित वेळेत घरांचा ताबा देऊन पायाभूत सुविधा पुरवण्यावर भर दिला पाहिजे.