स्वतंत्र बातमी

प्रोस्टेट कर्करोगाच्या उपचारासाठी ‘सायबरनाइफ’ हे अत्यंत प्रगत रोबोटिक तंत्रज्ञान ठरले. या पद्धतीमध्ये शरीरावर कोणतीही चिरफाड केली जात नाही. पारंपरिक रेडिएशन उपचारांसाठी रुग्णाला अनेक आठवडे रुग्णालयात फेऱ्या माराव्या लागतात. या नवीन तंत्रज्ञानात केवळ पाच सत्रांमध्ये उपचार पूर्ण होतात. रुग्णाची वेदनेतून सुटका होते. निरोगी पेशींना इजा न पोहोचवता थेट कर्करोगाच्या गाठीवर अचूक मारा केला जातो. वयोवृद्ध रुग्णांसाठी ही पद्धत वरदान ठरली. उपचाराचा कालावधी कमी झाल्याने रुग्णांचा ताण कमी झाला.

या उपचार पद्धतीमुळे रुग्णांच्या दैनंदिन जीवनात कोणताही अडथळा येत नाही. उपचार संपल्यानंतर रुग्ण लगेचच घरी जाऊ शकतात. आपले नेहमीचे कामकाज सुरू करू शकतात. संसर्ग होण्याचा धोका पूर्णपणे टळतो. भूल देण्याची आवश्यकता भासत नाही. वयोमानानुसार येणाऱ्या वैद्यकीय मर्यादांवर या तंत्रज्ञानाने मात केली. रुग्णांच्या जीवनमानाचा दर्जा सुधारला. वैद्यकीय क्षेत्रात या उपचारांची प्रशंसा होत आहे.