स्वतंत्र बातमी

नवीन स्थानक इमारतीचा तिसरा स्लॅब पूर्ण झाला असून अंतिम सजावटीचे काम सुरू आहे. प्रवाशांच्या सुलभ हालचालीसाठी उन्नत डेकचे काम वेगाने केले जात आहे.

पश्चिम रेल्वे उपनगरीय नेटवर्कवरील विरार स्थानक हे अत्यंत महत्त्वाचे केंद्र आहे. रोज लाखो प्रवासी या स्थानकातून प्रवास करतात. भविष्यातील वाहतुकीचा ताण लक्षात घेऊन एमआरव्हीसीने स्थानकाची क्षमता वाढवण्याचे काम हाती घेतले आहे. फलाट क्रमांक २, ३ आणि ४ वरील उन्नत डेकच्या कामासाठी जुने आरक्षण कार्यालय नवीन इमारतीत हलवण्यात आले आहे. पूर्व बाजूस तीन नव्या तिकीट खिडक्या कार्यान्वित झाल्या आहेत. फलाट क्रमांक ८ वरील संरक्षक भिंत, शेडचा पाया आणि तांत्रिक यंत्रणा उभारण्यात आली आहे. नारंगी गेटजवळील पादचारी पूल सुरू झाल्याने प्रवाशांचा येण्या-जाण्याचा वेळ वाचत आहे. या सर्व विकासकामांद्वारे विरार स्थानकाचा कायापालट होत असून प्रवाशांचा प्रवास अधिक सुरक्षित आणि सोयीस्कर बनत आहे.