नेट परीक्षेचे प्रवेशपत्र जाहीर

परीक्षार्थी उमेदवारांना अधिकृत पोर्टलवरून अत्यंत सुलभ पद्धतीने आपले प्रवेशपत्र मिळवता येणार आहे.

नॅशनल टेस्टिंग एजन्सीच्या नवीन अधिसूचनेनुसार ९ सप्टेंबर रोजी पहिल्या सत्रात सकाळी ९ ते १२ या वेळेत इंग्रजी विषयाचा तर दुसऱ्या सत्रात दुपारी ३ ते ६ या वेळेत वाणिज्य विषयाचा पेपर पार पडेल. १० सप्टेंबर रोजी सकाळी ९ ते १२ या पहिल्या सत्रात समाजशास्त्र विषयाची परीक्षा घेतली जाईल. परीक्षेच्या दिवशी उमेदवारांना रंगीत मुद्रित प्रवेशपत्रासोबत मूळ फोटो ओळखपत्र आणणे बंधनकारक आहे. यामध्ये आधार कार्ड, पॅन कार्ड किंवा मतदान ओळखपत्र ग्राह्य धरले जाईल. प्रवेशपत्रावर उमेदवाराचे नाव, बैठक क्रमांक, परीक्षेचे केंद्र, रिपोर्टिंग वेळ आणि छायाचित्र या माहितीची नोंद आहे. उमेदवारांनी प्रवेशपत्रावरील सर्व तपशील अचूक असल्याची खात्री करून घेणे गरजेचे आहे. कोणत्याही प्रकारची तफावत आढळल्यास तातडीने मदत कक्षाशी संपर्क साधण्याच्या सूचना दिल्या आहेत.