सहा राज्यांत अतिमुसळधार पाऊस

भारतीय हवामान विभागाने पूर्व, उत्तर-पूर्व आणि दक्षिण भारतातील विविध राज्यांमध्ये आगामी २४ ते ४८ तासांत तीव्र पावसाचा अंदाज व्यक्त केला आहे.

दक्षिण-पश्चिम मान्सूनच्या परतीचा प्रवास सुरू असताना देशातील हवामानात वेगाने बदल घडत आहेत. हवामान खात्याने दिलेल्या माहितीनुसार, उप-हिमालयीन पश्चिम बंगाल आणि सिक्कीमच्या काही भागात अतिमुसळधार पाऊस पडू शकतो. बिहार आणि ओडिशामध्ये २ ते ३ दिवस विजांचा कडकडाट आणि मेघगर्जनेसह मुसळधार पावसाची शक्यता कायम आहे. राजस्थान आणि केरळमध्येही स्थानिक पातळीवर पावसाचे प्रमाण वाढणार आहे. समुद्रातील खवळलेल्या स्थितीमुळे मच्छीमारांना अंदमान समुद्र, बंगालचा उपसागर आणि अरबी समुद्रातील काही भागात न जाण्याची सूचना दिली आहे.