स्वतंत्र बातमी

नाशिक व त्र्यंबकेश्वरमध्ये दर बारा वर्षांनी येणारे सिंहस्थ महाकुंभ पर्व अवघ्या काही दिवसांवर आले आहे. ३१ ऑक्टोबर रोजी सिंह राशीत गुरु प्रवेशाच्या मुहूर्तावर ध्वजारोहण सोहळा संपन्न होत आहे. याआधी हजारो कोटी रुपयांच्या प्रकल्पांची पूर्तता करण्याचे मोठे आव्हान प्रशासनासमोर उभे ठाकले आहे. मागील काही महिन्यांपासून रखडलेली कामे मुदतीत पूर्ण करण्यासाठी महापालिका आणि कुंभमेळा प्राधिकरणाला वेळेचे व्यवस्थापन करावे लागत आहे. आगामी काळात राष्ट्रपतींच्या सुरक्षा व्यवस्थेसाठी आणि लाखो भाविकांच्या आगमनासाठी शहरात विशेष पावले उचलली जात असून उर्वरित कामे युद्धपातळीवर पूर्ण करण्याचे उद्दिष्ट ठेवण्यात आले आहे.