भारत – इराणमध्ये उच्चस्तरीय चर्चा

भारत आणि इराण यांच्यातील संबंध ऐतिहासिक काळापासून सांस्कृतिक आणि व्यापारी संस्कृतीवर आधारलेले आहेत. आधुनिक काळात ऊर्जा आयात आणि मध्य आशियातील प्रवेशद्वार म्हणून इराणचे सामरिक महत्त्व भारतासाठी नेहमीच अधोरेखित राहिले आहे. मागील काही वर्षांत अमेरिकेच्या प्रतिबंभांमुळे दोन्ही देशांच्या व्यापारावर काही प्रमाणात मर्यादा आल्या तरी चाबहार बंदराच्या विकासाबाबत दोन्ही देश कटिबद्ध राहिले आहेत. पश्चिम आशियात निर्माण झालेल्या ताज्या लष्करी संघर्षाच्या पार्श्वभूमीवर भारताने सागरी व्यापाराची सुरक्षा सुनिश्चित करण्यासाठी इराणसोबत थेट उच्चस्तरीय संपर्क साधला आहे. भविष्यात या संवादाच्या आधारे क्षेत्रीय शांततेसाठी भारताच्या राजनैतिक प्रयत्नांना अधिक बळ मिळण्याची अपेक्षा व्यक्त केली जात आहे.