स्वतंत्र बातमी

महाराष्ट्राच्या किनारपट्टीवर सागरी सुरक्षा अधिक मजबूत करण्यासाठी भारतीय तटरक्षक दलाने पावले उचलली आहेत. रत्नागिरीत दाखल झालेले हे अत्याधुनिक हेलिकॉप्टर आधुनिक रडार आणि शस्त्रात्रांनी सुसज्ज आहे.

भारतीय तटरक्षक दलाच्या पश्चिम क्षेत्रात रत्नागिरीचे स्थान सामरिकदृष्ट्या अत्यंत महत्त्वाचे आहे. या भागात वाढत्या सागरी हालचालींवर नजर ठेवण्यासाठी अत्याधुनिक विमानांची गरज भासत होती. ‘आत्मनिर्भर भारत’ या धोरणांतर्गत हिंदुस्तान एरोनॉटिक्स लिमिटेडसोबत (एचएएल) झालेल्या करारानुसार हे विमान दलात समाविष्ट झाले आहे. या हेलिकॉप्टरच्या समावेशामुळे समुद्रात गस्त घालणे, शोध व बचाव कार्य करणे, प्रदूषण नियंत्रण तपासणी करणे सोपे झाले आहे. संकटात सापडलेल्या मच्छिमारांना किंवा बोटींना तातडीने मदत पोहोचवणे आता शक्य झाले आहे. ८३१ स्क्वॉड्रनच्या ताफ्यात ही विमाने आल्यामुळे तटरक्षक दलाची ताकद वाढली असून कोकण किनारपट्टी पूर्णपणे सुरक्षित झाली आहे.