स्वतंत्र बातमी

निवडणूक आयोगाने मतदार याद्यांमधील त्रुटी दूर करण्यासाठी विशेष मोहीम हाती घेतली होती. बोगस मतदान रोखणे आणि मतदार यादी अद्ययावत करणे हा या मोहिमेचा मुख्य उद्देश होता. अनेक वर्षांपासून एकाच मतदाराचे दोन ठिकाणी नाव असणे किंवा मृत व्यक्तींची नावे यादीत राहणे असे प्रकार घडत होते. बीएलओंनी प्रत्यक्ष भेट देऊन पाहणी केली. ज्या मतदारांनी प्रपत्रे जमा केली नाहीत त्यांना प्रारूप यादीतून वगळण्यात आले आहे. नागरिकांना आपले नाव तपासण्यासाठी एका महिन्याचा कालावधी उपलब्ध करून देण्यात आला आहे. नमुना ६, ७ आणि ८ भरून नावे समाविष्ट किंवा दुरुस्त करता येतील.