स्वतंत्र बातमी

प्रकल्पाचा खर्च आणि भूसंपादनातील अडचणी विचारात घेऊन सुधारीत डीपीआर तयार करण्यात आला आहे. नवीन आखणीमुळे खासगी जमिनीचे अधिग्रहण कमी होणार आहे.

पुणे शहरातील वाहनांची वाढती संख्या आणि मध्यवर्ती भागातील रस्ते यांच्यावर पडणारा ताण कमी करण्यासाठी एचसीएमटीआर मार्ग अत्यंत कळीचा ठरणार आहे. बोपोडी, औंध, कोथरूड, स्वारगेट, हडपसर, विमाननगर आणि विश्रांतवाडी अशा प्रमुख उपनगरांना हा मार्ग थेट जोडेल. शहराच्या एका टोकाकडून दुसऱ्या टोकाकडे जाणाऱ्या वाहनांना मध्यवर्ती रस्त्यांवर येण्याची गरज भासणार नाही. ८५ टक्के जमीन सरकारी यंत्रणांच्या ताब्यात उपलब्ध आहे. उर्वरित १५ टक्के खासगी जमिनीच्या अधिग्रहणासाठी एफएसआय आणि टीडीआर पर्यायांचा वापर केला जाणार आहे. हा प्रकल्प पूर्ण झाल्यानंतर शहरातील मुख्य रस्त्यांवरील ३० टक्क्यांहून अधिक वाहतूक कमी होण्याचा अंदाज आहे.